Doda latifalar

Xitoy metro bekatida turgan yigit qizga:
— Chu min syan duf, - debdi.
Qiz o‘ylab turib:
— Yan fay ru tan, - deya javob beribdi.
Yigitning jahli chiqib ketib:
— Dau shan Fan, dafan nyu ru, yan ru go zay, - deya jerkib beribdi.
Shundan so‘ng qiz yig‘lab yuboribdi.
Keyin:
— Kuan gua dji ru, shuyan yu
...Ha, do‘stim. Xuddi o‘qib biron narsani tushunayotgandek davomini kutayapsiz.

— Azizim, 8 martga senga nima sovg‘a qilay?
— Hmm, bilmaasam...
— Unday bo‘lsa, o‘ylashinga yana bir yil muhlat beraman.

Tolibi ilm ustozidan so‘rabdi:
— Ustoz sevgan bilan sevmaganni nima farqi bor?
Ustoz javob beribdi:
— Sevgan sog‘inib sms yozadi, sevmagan esa bezrayib sms o‘qiydi.

Amaldorlar yangi yil oldi narxlarni oshirishga asos topa olishmadi. Shuning uchun asossiz oshirishmoqda.

Oltin baliqni tutib olgan cholga baliq debdi:
— Tila tilagingni!
Chol debdi:
— Zavoddan mashinam tezroq chiqaqolsa, navbatim kelaqolsa degandim...
Baliq cholga qarab turib:
— Otaxon, bunchalik uzoq umr berolmiman sizga! - degan ekan.

— Ada, Dubayga dam olgani boraylik. Tinch okeanidagi oq ayiqlarni tamosha qilardik...
— Nima? Kundaligini olib kel-chi, geografiya fanidan baholaringni tamosha qilamiz!

Haydovchini YPH xodimi to‘xtatibdi. Spirtli ichimlik hidini sezgan xodim:
— Hurmatli haydovchi, spirtli ichimlik iste’mol qilganmisiz? - debdi.
— Yo‘q, - debdi haydovchi.
Xodim yana:
— Sizni tekshiruvga olib boramiz...! - desa, haydovchi:
— Baliq yegandim, - debdi.
Xodim:
— Baliq yesangiz, spirt hidi keladimi? - deb so‘rabdi.
Haydovchi bo‘lsa:
— Baliq aroq ichgan ekan-da, - degan ekan.

— Men o‘g‘limni boksga berdim!
— Men bo‘lsa o‘g‘limni karatega berdim!
— Men esa o‘g‘limni o‘zim uraman.

Bir ayol eriga:
— Ichishni tashlang, - debdi.
Eri:
— Mayli, tashlayman, - debdi.
— Sigaretni ham tashlaysizmi? - debdi xotini.
Eri:
— Tashlayman, - debdi.
Xotini o‘zida yo‘q xursand bo‘lib:
— Man uchun hayotingizni berarmidingiz? - desa, eri:
— Bunaqa hayotni nima keragi bor, beraman-da, - degan ekan.

Futbolimizni yaxshilashni eng yaxshi yo‘li:
Oldin ularni hammasini dalaga haydash kerak. Keyin hozirgi hayotini qadriga yetib, ozgina tezroq yuguradigan bo‘lishadi.