Doda latifalar

— Og‘ayni, negadir ranging boshqacharoq. Tobing yo‘qmi?
— Bilasanmi, uch kundan beri xotinimni tushiga tumanimiz hokimi kirarmush.
— Xo‘sh? Sen nima qilding?
— Biror nima qilmoqchi edim, bugun meni tushimga mahallamiz raisi kirib "Bu ishga aralashmang" deb aytib ketdi.

Er uxlab yotgan xotinini tepasiga kelib "Eh xotinjon gapirmasdan jim tursang qanday go‘zalsan!" degan ekan.

— Meni qo‘shnilarim yarim tunda devorimni taqillataverishadi. Hech tinchlik berishmaydi-ya...⠀
Yaxshi-yam men o‘sha vaqt uxlamay, baraban chalayotgan bo‘laman!

Suv quvurlarini almashtirish tashkiloti xodimlarining qoidasi: Qayerda yangi asfalt qilingan bo‘lsa, tez borib o‘sha yerdagi suv quvurlarini almashtirish kerak.

Semiz kishi ko‘chada yurib ketayotsa, motosikl kelib turtib yuboribdi.
— Bu nima qilganing?! Yonimdan aylanib o‘tsang bo‘lmasmidi?! - baqiribdi semiz kishi. Motosikl haydovchisi:
— Kechirasiz, sizni aylanib o‘tish uchun benzinim yetmay qoldi, - dermish.

Ishga kirish uchun kelgan yigit bilan suhbat:
— Yoshingiz nechida?
— 17da.
— Oliy ma’lumotlimisiz?
— Ha. Mana diplom.
— Qanday qilib 17 yoshda oliy ma’lumotli bo‘ldingiz?
— Bu diplomni ko‘chadan topib oldim.
— Sizni ism, familiyangizga diplom yozilgan ekanmi?
— Yo‘q. Pasportimni diplomda yozilgan ism, familiyaga o‘zgartirib olganman.

Xotin:
— Bugun oqshom bir umr esingizda qolishini xohlayman!
Er:
— Nima, bugun oqshomda oyingni uyiga ketyapsanmi?

Bir ayol dugonasiga:
— Voy dugon, ko‘zinlaringga nima bo‘ldi, qizarib ketibdi?
— Kecha qo‘shnimiznikida janjal bo‘layotgan edi. Men qulf tirqishidan qarab turuvdim, ichkaridan kimdir ko‘zimga barmog‘ini tiqib oldi.
— Unda ikkinchi ko‘zing nimaga qizil?
— Ikkinchi ko‘zim bilan kim barmog‘ini tiqqanini ko‘rmoqchi edim.

Bir kuni chumoli bilan fil do‘st bo‘lishibdi. Issiq kunlarning birida fil hovuzda cho‘milayotgan ekan chumoli kelib:
— O‘rtoq, bir minutga suvdan chiq, - debdi.
Fil:
— Nima bo‘ldi? - deb tashqariga chiqsa, chumoli:
— Bo‘ldi,bo‘ldi cho‘milaver! Men cho‘milish kiyimimni topolmayapman. Sen kiyib olmadingmi deb qaradim, - dermish.

Xotin eriga:
— Mensiz nima qilgan bo‘lardingiz-a? - deb javrasa, eri kulib turganmish.
Xotini jig‘ibiyron bo‘lib:
— Nega doim shunaqa desam kulasiz? - desa, eri:
— Xotin shoshmay tur! Biroz shirin hayol surishga ham qo‘ygin-da axir! - debdi.