Doda latifalar

Jahon moliyaviy inqirozi jarayonida ikki iqtisodchi bir-biri bilan suhbatlashyapti:
— Og‘ayni shu kunlarda kechalari umuman uxlay olmayapman. Inqiroz qattiq ta’sir qildi menga. Sizchi, sizda qanday kechyapti?
— Men chaqaloqlardek uxlayapman.
— Yo‘g‘-ye?
— Ha, har 10 minutda uyg‘onib, yig‘lab-yig‘lab olyapman.

Boshliq ishga yangi kotiba olibdi. Uyga kelsa, xotini rashk bilan so‘rabdi:
— Xo‘sh, yangi kotibangizni oyoqlari qanaqa ekan?
Eri:
— Bilmadim, - debdi.
Xotini yana so‘rabdi:
— Ko‘zlari qanaqa ekan?
— E’tibor bermadim.
— Loaqal qanaqa kiyinarkan?
— Ko‘rdim. Juda tez kiyinar ekan!

Baliq ovlab o‘tirgan odamni oldiga timsoh suzib kelib,
— Ov qalay bo‘lyapti, ilinyaptimi?, - deb so‘rabdi.
— Ha yo‘q. Ertalabdan beri o‘tiribman. Bitta-yam ushlolmadim, omadim kelmayapti, - deb javob beribdi.
Shunda timsoh baliqchiga qarab:
— Kun ham qizib ketdi. Balki cho‘milib olarsan-a, - dermish.

Orziqib kutaman har oyda seni,
Olisdan ko‘rinsang ko‘zlarimda nam.
Bermayman bilasan hech kimga seni,
Mening qadrdonim STIPENDIYaM!!!

Qizaloq buvisiga:
— Keling maktab-maktab o‘ynaymiz, - debdi.
Buvisi rozi bo‘libdi.
Keyin o‘ylab qarasa, bir yildan beri nabirasini uy vazifalarini bajarib berar ekan.

Bir jinni ikkinchisiga:
— Kel boshinga mix qoqib qo‘yay sartaroshga borsang mashinkasi sinib qoladi.
— Yo‘q, qoqmaysan...      
— Nega?
— Mixni qoqishda bolg‘ang tegib ketsachi?

Bir kuni o‘qituvchi o‘quvchiga savol berdi:
— Nega skat yapaloq?
O‘quvchi javob berdi:
— Chunki skatni ustiga kit o‘tirgan.
O‘qituvchi:
— Unda nega dengiz otchasini ko‘zlari chaqchayib qolgan, desa
O‘quvchi:
— Otcha kit skatni ustiga o‘tirganini ko‘rib qolganda, dermish

Afandining xunukroq bir xotini bor ekan. U do‘stlarini yonida xotinini "go‘zalim”, "quyoshim” derkan. Bir kuni Afandidan do‘sti so‘rab qolibdi.
— Do‘stim, xotining chiroyli bo‘lmasa, nega endi uni "go‘zalim”, "quyoshim" deysan?
— Bilasanmi, quyoshga qarab bo‘lmagani kabi bizning xotinga ham qarab bo‘lmaydi-da!

Xitoy metro bekatida turgan yigit qizga:
— Chu min syan duf, - debdi.
Qiz o‘ylab turib:
— Yan fay ru tan, - deya javob beribdi.
Yigitning jahli chiqib ketib:
— Dau shan Fan, dafan nyu ru, yan ru go zay, - deya jerkib beribdi.
Shundan so‘ng qiz yig‘lab yuboribdi.
Keyin:
— Kuan gua dji ru, shuyan yu
...Ha, do‘stim. Xuddi o‘qib biron narsani tushunayotgandek davomini kutayapsiz.

— Azizim, 8 martga senga nima sovg‘a qilay?
— Hmm, bilmaasam...
— Unday bo‘lsa, o‘ylashinga yana bir yil muhlat beraman.