Doda latifalar

Siz uchun eshiklarimiz doim ochiq!
Marhamat chiqib keting!

Bir kishi 5 sonini esidan chiqarib qo‘yibdi.
Do‘konga kirib:
— Menga 6 ta non bering. Bittasi kerakmas! - debdi.

Karam bilan sabzi cho‘milgani ko‘lga borishibdi.
Sabzi suvga tushib olib:
— Kel karam, cho‘milamiz, - debdi.
Karam:
— Hozir, yechinib olay, - debdi-yu, birozdan keyin yo‘qolib qolibdi.

— Qiziq. 90 ga yetganimda ko‘rinishim qanaqa bo‘lar ekan?!
— Nima? 90 ga yetasanmi hali yo‘qmi?
— Nega yetmas ekanman?! Hozir 85 man. Yana 5 kilogram yig‘sam bo‘ldi-da...!

— Xotin, raqsga tushma!
— Nega dadasi?
— Nima qilyapsan? Senga gapiryapman! Qo‘llaringni tushir!
— Zo‘r musiqa ekan dadasi...
— Rulni ushla! Qayoqqa haydayapsan?!

Uyda ishlashni boshlaganimdan beri ikki martta ishga kech koldim.

"Hayotda masofalar hech narsani hal qilmaydi" deydigan insonlarga hojatxonani uyingizdan 1 km uzoqqa quring-chi, ko‘ramiz hal qilmasligini degim keladi.

Bolakay otasidan so‘rabdi:
— Dada, 2 ta savol bersam maylimi?
— Mayli, so‘ra!
— Birinchisi - menga yangi o‘yinchoq olib berasizmi? Ikkinchisi - nimaga yo‘q?

Maktabda uy ishi uchun “Mening ota-onam” mavzusida insho yozib kelish berilibdi.
Bir o‘quvchi daftariga shunday yozib kelgan ekan.
Ota-onalarimiz shunday yoshga kirishgan-ki, ularni tarbiya qilish va urishganlarida ajratishga bizning kuchimiz yetmayapti.