Doda latifalar

Bemor:
— Doktor, jigarim qattiq og‘riyapti.
Doktor:
— Tez-tez aroq ichib turasizmi?
Bemor:
— Voy har kuni ichaman, yordam bermaydi...

Har kuni kompyuterimdan Gugl xotirasini o‘chirib turaman.
Kasbimga oid bilimlarni internetdan qidirib topayotganimni hech kim bilib qolmasligi kerak.

Og‘ir vaznli ayol taroziga chiqib, vrachdan so‘rabdi:
— Bunaqa vaznga mos kelishi uchun bo‘yim qancha bo‘lishi kerak?
Vrach:
— To‘rt metr bo‘lishi kerak...!

Hammada shunaqami?
Farzandim bilan dars tayyorlashni boshlasam, "O‘zi maktabda o‘qiganmanmi?" degan fikr hayolimga kelaveradi...!

To‘yda kelin-kuyov o‘tirsa, kelin kuyovga shivirlarmish:
— Tezroq to‘y tugasa-yu, ichkariga kiravolsak...!
Kuyov kelinga qarab:
— Sizni ham oyog‘ingizni yangi tufli siqib yubordimi-a?!

Farzandimdan karra jadvalini so‘rayotgan vaqtimda o‘zimni teleboshlovchiga o‘xshataman.
Hech narsani bilmayman. Lekin bosh chayqab turaman.

— Do‘stim, seni borgan sari Pushkinga o‘xshab ketyapsan!
— Jingalak sochlarim bilanmi?
— Yo‘q, seni duelda otib tashlagim kelyapti!

Bir odamni o‘g‘lini qo‘shnisini kuchugi tishlab olibdi.
Vrachga borsa, vrach so‘rabdi:
— Bolangizni qanday it tishladi?
— Kichkina it tishladi, - javob beribdi haligi odam.
— Daydi it tishladimi yoki tanish itmidi deb so‘rayapman, - debdi vrach.
— Meni itlardan tanishim yo‘q, - debdi boyagi odam.

Ona tili darsida. O‘qituvchi va o‘quvchi savol-javobidan:
— Ot necha turga bo‘linadi?
— Ikki turga, ustoz!
— Noto‘g‘ri Asqarov! Xo‘sh, ot qanday savollarga javob bo‘ladi?
— Necha yoshda va necha martta bolalagan degan savollarga, ustoz...!

Kechasi soat 23.00lar atrofida. Telefon qo‘ng‘irog‘i jiringlabdi.
Er:
— Allo?
Xotin:
— Labbay?
Er:
— Bugun kech qolib ketdim...
Xotin:
— Hechqichi yo‘q.
Er:
— 3-4ta og‘aynilarim bilan kafeda o‘tirgandik.
Xotin:
— Mayli, yaxshi!
Er:
— Kechirasiz, boshqa joyga tushdim shekilli?!