Doda latifalar

— Dadasi, yaqinda bolalar maktabga chiqishadi. Barcha zarur narsalarni ro‘yxatini tuzib chiqdim. O‘qiymi?
— Yo‘q, shoshma! Oldin valeriankamni olib chiq.

Bir qiz internetda o‘tirgan ekan, qo‘shni xola kirib:
— Qachon qarasam shu kompyutering oldida o‘tirasan. Nima qiziq narsalar bor bu yerda?, - deb so‘rab qolibdi.
Qiz esa:
— Internetdagi "Google" ni sizga tushuntiraman. Mana qarang, nimani xohlasangiz topib beradi, - debdi.
Qo‘shni ayol ham qiziqib:
— Nima so‘rasam hamma-hammasini topib beradimi?
— Ha, xamma narsani topadi. Xohlasangiz mana yozib, izlab ko‘ring.
Qiz klaviaturani qo‘shni xolaga berib, o‘zi choy damlab kelib qarasa, ekranda shunday yozuvlar turgan ekan:
"Assalomu alaykum hurmatli Gugl aka! Iltimos, menga erimning jazmani qayerda yashashini topib bersangiz!"

Maktabda "Jismoniy tarbiya" va "Mehnat" fanlarining o‘qituvchilari o‘rtasida janjal bo‘lib o‘tibdi. Oqibatda "Mehnat" fani o‘qituvchisi g‘olib chiqibdi. Sababi, karate o‘z yo‘liga, bolta o‘z yo‘liga!

Chiroyli bir ofitsiant qiz restoranda xo‘randaga xizmat ko‘rsatmoqda. Ovqatlanib bo‘lgach, u hisobni keltiribdi.
Xo‘randa pulni to‘lagach, qizga gap otibdi:
— Siz uchun doim eshitish yoqimli bo‘lgan uch so‘z bor. To‘g‘rimi?
— Ha, shunday.
— Xohlasangiz, men bu so‘zlarni topaman.
— Mayli, harakat qilib ko‘ring.
— Men sizni sevaman.
— Topolmadingiz! Bu so‘z - "Qaytimi kerak emas» edi.

Bir yigit to‘yi kuni kechasi go‘shangaga kirmasdan hayol surib o‘tirsa, bir o‘rtog‘i:
— Iye, ha kuyov bola, nimaga hayol surib qolding? Axir besh yildan beri sevishib yurgan qizingga uylanding-ku. Nega bu yerda o‘tiribsan? - desa,
Kuyov bola:
— Shunaqaku-ya, endi tuni bilan telefonda kim bilan gaplashaman? - dermish.

Bir erkak yoniga yengiltak ayol kelib:
— Uch so‘z aytsangiz, har qanday istagingizni 100 mingga amalga oshiraman, - debdi.
Erkak ham o‘ylab o‘tirmay:
— Uyimni ta’mirlab ber!, - degan ekan.

Bir erkak do‘stiga maqtanibdi:
— Kecha xotinimni urishib berdim.
— Yug‘-ye, sen-a?
— Ha-da. Uylarni yig‘ishtiring, deb ish buyuryabdi.
— Xo‘sh?
— Yo‘qol ko‘zimdan, hali kirlarni yuvib bo‘lganim yo‘q, - dedim.

O‘g‘li otasidan so‘rayapti:
— Dada, omadsiz hazil nima degani?
— Ertalab oying mendan paynetga pul olib, kechqurun yana telefon raqami qarzga kirganligini aytishi- omadsiz hazil deyiladi-da o‘g‘lim.
— Oyijon, omadsiz hazil nima u???
— Bu degani, dadajoning menga to‘ydan avval katta kompaniyani rahbariman deb, to‘ydan keyin esa g‘irt bekorchiligi ma’lum bo‘lgani,- debdi onasi.

Bir yigit tramvay ostanovkasida turgan qizga tegajonlik qilib so‘radi:
— Oppoqqiz, bu yerdan nechanchi nomerli tramvaylar o‘tadi?
— Birinchi va to‘rtinchi tramvaylar. Yigit yaqinroq kelib:
— Yana qaysi nomerlar o‘tadi, jonidan, - degan edi
Qiz:
— Boshqa nomerlar ham o‘tadi-yu, ammo sizning nomeringiz o‘tmaydi, - deb javob berdi qiz.

Yigit qiz tanishuvi:
Yigit:
— Yaxshi qiz, sizga qanaqa yigitlar yoqadi?
— Menga harbiy yigitlar yoqadi ular qo‘rqmas bo‘ladi. Yanachi-yana hind yigitlari yoqadi, ular judda ehtirosli bo‘lishadi.
— Yanachi?
— Koreys yigitlari yoqadi ular mohir qilichboz bo‘lishadi.
— Unda tanishib qo‘yaylik, oddiy leytenant Amitabx Jumong.