Doda latifalar

Koptokdan o‘rganing! Qanchalik uni qattiq ursangiz, shunchalik balandroq sakraydi.

Karantin davrida tibbiy niqoblardan foydalanilayotganligi uchun ayollar lab bo‘yoqlarini ishlab chiqarish keskin qisqartirildi.

— Men yangi antiradar sotib oldim.
— Xo‘sh, nima karomat ko‘rsatar ekan?
— YPH xodimi turgan joyga 300 metr qolganda "Pulni tayyorla!" deb aytadi.

Xotini eri yana uyga mast bo‘lib kelganini ko‘rib janjal qilibdi:
— Ikkinchi ichmang deb aytgandim-ku sizga!
Bo‘ldi endi uyimga ketaman!
Eri xotinini tinchlantirib:
— O‘zingni bos xotin! Men ikkinchi ichmadim, birinchi ichdim. Ulfatlarim ikkinchi ichdi, - dermish.

Bozorda ishbilarmon odam tarvuz sotayotgan ekan.
Uni ishbilarmonligini qarang! 1 ta tarvuz 3 ming, 3 ta tarvuz 10 ming deb yozib qo‘yibdi.
Bir xaridor yoniga kelib:
— Sen xaridorni chalg‘itmoqchi bo‘ldingmi?! Hozir men 1 tadan 3 ta tarvuz sotib olaman 9 ming so‘m bo‘ladimi? - debdi.
Sotuvchi:
— Ha, shunaqa bo‘ladi, - deb 3 ta tarvuzni sotib yuboribdi.
Xaridor ketayotib:
— Savdo qilishni bilmas ekansan! - deb kulib ketibdi.
Sotuvchi bo‘lsa:
— Menga aql o‘rgatishini qara! 1 ta tarvuzni o‘rniga 3 tadan sotib yuboryapman-ku! - debdi.

Uylanganiga ko‘p bo‘lmagan yigit do‘stiga:
— Shu kunlarda bir narsani tushundim.
Do‘sti:
— Nimani?
— Odam ato eng baxtli er bo‘lgan ekan.
— Nega?
— Chunki uni qaynonasi bo‘lmagan!

Hurmatli qizlar! Agar qizlar bilan yurmaydigan yigitga turmushga chiqmoqchi bo‘lsangiz, karantin ayni vaqti.
Muddat: Karantin davri tugaguncha!

— Agar qo‘limda nechta mandarin borligini aytsang, ikkalasini ham senga beraman.
— Ikkita!
— Qanday topding???

— Botir, sen bugunni o‘zida ikkita qopni yo‘qotding!
— Axir men ishlayapman-ku! Ish bor joyda kamchiliklar bo‘ladi-da!
— Botir! Sen inkasatorsan!!!

Kechasi serial ko‘rib o‘tirgan nabirasiga buvisi:
— Kirib yot! Kunduzi qaytaradi. O‘shanda ko‘rasan! - desa, nabirasi:
— Kunduzi to‘liq ko‘rsatmas ekan. Ayrim joylarini qirqib tashlashar ekan insofsizlar, - dermish.