Doda latifalar

Go‘sht bozorida sotuvchi yoniga xaridor kelib so‘rabdi:
— Nimani go‘shti? Nima bilan bilan boqilgan?
— Mol go‘shti. Pokiza, halol go‘sht, oling! Non, saryog‘, qaymoqlar bilan boqqanman.
Xaridor hujjatini ko‘rsatib debdi:
— Men tekshiruvchiman. Oziq-ovqatni shu yo‘l bilan isrof qilyapsizmi?...
Sotuvchi qo‘rqqanidan, unga besh kilogramm bepul go‘sht berib yuboribdi.
Birozdan so‘ng boshqa xaridor kelibdi.
— Go‘sht qanchadan?, - so‘rabdi sotuvchiga qarab.
— O‘ttiz mingdan. Mol go‘shti. Chiqindilar, axlatdan topilgan yemishlar bilan boqilgan.
Bu xaridor ham sanitariya tekshiruvidan ekanini aytib, jarimaga tortmoqchi bo‘libdi. Sotuvchi unga ham talaygina go‘sht berib, zo‘rg‘a qutulib qolibdi.
Uchinchi xaridor rasta yoniga kelib go‘sht tanlay boshlabdi:
— Go‘shting tozzami? Nimalar berib boqgansan?
Sotuvchi bu safar ham “tushib” qolishidan qo‘rqib:
— Bilmayman nima yeganini. Qo‘liga pul berardim, ko‘chaga chiqib ovqatlanib kelardi, - dermish.

Yigit telefonidan telegram, instagramga kirib o‘tiraverib, qayerda ekani, qancha vaqt o‘tirganini ham esidan chiqarib qo‘yibdi. Bir payt eshik taqqillabdi.
— Kiravering, eshik ochiq, - debdi.
Birozdan keyin yana taqqillabdi.
— Kiravering dedim-ku, - javob beribdi yigit.
Eshikni orqa tarafidagi ovoz:
— Chiqsang kiramanmi!? Xojatxonaga kirganingga 2 soat bo‘ldi, - debdi.

Sinf o‘quvchilari "Kim xunukroq" o‘yinini o‘ynayotgan ekan.
Bolalardan biri:
— Bo‘ldi, Akbar yutdi! - debdi.
Akbar bo‘lsa:
— Men o‘ynamayapman, - dermish.

Yigit qiz bilan uchrashuvga chiqibdi:
— Salom ismim Mohira.
— Salom hursandman!
— Mohira ismim.
— Hursandman!
— Meni ismim Mohira. Sizniki-chi?
— Xursand - ismim meni.

O‘g‘lini maktabga joylashtirishga kelgan otaga maktab direktori:
— Bizga qanday moddiy yordam ko‘rsata olasiz? - debdi.
Ota:
— Bepul prokuratura tekshiruvini o‘tkazib bera olaman, - debdi.

Bozorda bir chaqqon yigit: "kep qoling, op qoling, Xitoy banani, yangi keltirilgan" deb reklama qilayotganmish.
Bir opaxon kelib:
"Xitoyniki demang, virusdan qo‘rqib, hechkim olmaydi" desa, sotuvchi yigit: "yaxshi ketayapti, opa, kimdir qaynanasiga, kimdir boshqasiga deb olayapti" dermish...

Ishdan g‘amgin qaytgan eridan xotini so‘rabdi:
— Nima bo‘ldi?
— Bilasanmi, bugun qanaqa kun? – debdi eri.
— Yo‘q, - hayron bo‘lib javob beribdi xotin.
— Bundan 20 yil avval, maktabda o‘qib yurgan paytlarimiz... Ikkalamiz otangni qimmatbaho mashinasini haydab ketib, urib olganmiz. Pachoq bo‘lgan mashinasini ko‘rgan otang “yoki mashinamni pulini har oyda falon so‘mdan to‘lab borasan yoki shu qizimga uylanasan” degandilar... – debdi eri.
Xotini yana tushunmay:
— Ho‘sh, nima bo‘pti. Nega shu voqeani bugun eslayapsiz? – desa, eri afsus bilan:
— Agar o‘shanda otangni birinchi shartiga rozi bo‘lganimda, bugun mashinani puli to‘lab qutulgan bo‘lardim! – dermish.

O‘qituvchi so‘rayapti:
— Ho‘sh Asad, do‘sting sendan 5000 so‘m pul olib, 4000 so‘mini sarfladi. Senga necha pul qaytaradi?
— Bir so‘m ham qaytarmaydi, ustoz!
— O‘tir joyingga, bahoing "ikki"! Matematikani umuman bilmaysan!
— Yo‘q ustoz, siz meni do‘stlarimni mutlaqo bilmas ekansiz...