Doda latifalar

Bankni o‘marishga kirgan o‘g‘rini yuzidan niqobi yechilib ketibdi. O‘g‘ri kassirni yoniga kelib:
— Meni yuzimni eslab qoldingmi? - desa, qiz:
— Ha, - debdi.
O‘g‘ri shu zahoti kassirni otib tashlabdi.
— Yana kim meni yuzimni eslab qoldi? - desa, odamlar orasidan ovoz kelibdi:
— Bankomat yonida turgan qaynonam eslab qoldi.

Sinf rahbari o‘quvchilarga:
— Ertaga sinf xonasini ta’mirlashga 50 ming so‘mdan olib kelinglar, - desa, o‘quvchilar:
— Ustoz, nega buncha qimmat? – deyishibdi.
Shunda ustozi:
— 30 ming so‘mni menga berasizlar, qolgani o‘zingizga. Ota-onangizga 50 mingdan yig‘dim deb aytaman, - debdi.
O‘quvchilar bir ovozdan:
— Kelishdik, ustoz! – deyishibdi.

3 ta qiziq bir fakt bor:
1) Hech bir odam chap ko‘zi bilan yozuvni o‘qiy olmaydi.
2) Buni o‘qigan sodda odam darrov shu ishni qilib ko‘radi.
3) Aldanganini bilib kulib qo‘yadi.

Avvaliga enaga bilan bog‘cha opa aybdor. Keyin – tarbiyachi. Undan keyin – maktabda o‘qituvchi aybdor. Keyin esa – ishxonada rahbar! Sal keyin esa – xotin! Hammasiga aybdor o‘shalar. Erkaklarda o‘zi hech qachon ayb bo‘lmagan desa ham bo‘ladi...

Er-xotin va o‘g‘li Samarqand shahrini aylanib yurishgan ekan. O‘g‘li onasidan so‘rabdi:
— Siz qayerda tug‘ilgansiz?
— Qo‘qonda.
— Ada siz qayerda tug‘ilgansiz?
— Qarshida.
— Men-chi?
— Toshkentda.
— Qanday yaxshi-ya! Uchchalamiz uchta joyda tug‘ilib, bir joyda uchrashib turibmiz.

Bir firibgar bisotidan:

— Kechirasiz 1000$ berib turing!
"OLASIZ" firmasi, "UXLADINGIZ" kompaniyasi
Direktor: Uxlatjonov O‘marjon
Manzil: Sabr qil tumani, To‘g‘ri tushun mahallasi, Mani kutgin ko‘chasi, 6-kulba.
Telefon: Yetti nol, topolmay o‘l.
Faks: 007, uxlab ketdi.
e-mail: insofbersaolasan@mail.ru
sayt: www.insof.net

Noutbukimni unutib, gilam ustida qoldiribman.
Qaynonam uni tarozi deb o‘ylab ustiga chiqib olsa bo‘ladimi!?

O‘qituvchi:
— Valijon, kundaligingni ota-onangga ko‘rsatdingmi?
O‘quvchi:
— Yo‘q, ustoz!
O‘qituvchi:
— Nega?
O‘quvchi:
— Ota-onamni salomatligi men uchun juda muhim!

Onasini yoniga o‘g‘li kelib debdi:
— Oyijon, 5 ming bering.
— Yo‘q. Pulni nima qilasan?! - debdi onasi jahli chiqib.
— Beraqoling oyijon... - debdi yana o‘g‘li.
— Yo‘q dedim senga! - debdi onasi.
— Agar 10 ming bersangiz, adam to‘g‘risida bir gap aytaman, - debdi bolakay ayyorlik bilan.
Onasi darrov 10 mingni beribdi.
— Ayt, nima sir ekan!
— Adamni yoniga bir ayol keldi. Ular mehmonxonamizga kirib uzoq gaplashishdi, - debdi o‘g‘li cho‘ntagiga 10 mingni solib, eshik yoniga yaqinlasharkan.
— Nimani gaplashishdi? - deb o‘takasi yorilay dedi ayolni.
— O‘g‘lingizni maktabda baholari pasayib ketyapti dedi u ayol, - deb ko‘chaga yuguribdi bolakay.