Doda latifalar

Chol dengizdan tilla baliq tu­tib oldi. Tilla baliq tilga kir­di:
— Kampiring haliyam bormi?
— Ha.
— Unday bo‘lsa meni yeb qo‘yaver.

Bir talaba ketayotsa oldidan buxanka non chiqib qolsa bir tepib yuboribdi, buni ko‘rgan boshqa talaba:
— Jinnimisan, axir bu nonku, nega tepasan, undan ko‘ra menga ber buni men yeyman.
— Jinnimasman, endi sal chetroqqa olib o‘t, birga yeymiz.

Talaba bu — aholi qatlamining qimmat telefon tutuvchi, ammo hisobida mablag‘i yo‘q kishisidir.

Ota-onangiz uxlashingizdan oldin sizlarga qanday ertaklarni aytib berishardi?
"Institutni tugatganingdan so‘ng rosa ko‘p pul topasan" - degan ertaklari hamon esimda...

— Haqiqiy yigitlar qanday qizlarni sevadi?
— Boshqa yigitni sevadigan qizlarni sevishadi.
— Nima uchun?
— O‘sha yigitdan qizni tortib olish "yigit kishining" ishi-da!

Bir qiz doktorga kelib:
— Meni ari chaqib oldi, - debdi.
Doktor:
— Hechqisi yo‘q! Hozir malham surib qo‘yaman, - desa, qiz:
— Qanaqa qilib surasiz, ari allaqachon uchib ketdi, - debdi.

— Ko‘zlaringdan bilinib turibdi, yana ichibsan.
— Qomatingdan bilinib turibdi, yana to‘yib ovqat yebsan.

— Siz bilan tanishsak bo‘ladimi?
— Yo‘q, mumkin emas!
— Nimaga?
— Men siz bilan zerikaman, siz esa meni tushunmaysiz!
— Nimaga?
— Aytdim-ku, siz meni tushunmaysiz, men esa zerikib bo‘ldim!

— Ijtimoyi tarmoqlarda faol ekansan?!
— Ha, judayam.
— Tentak ekaningni hamma bilarkan-da!