Doda latifalar

Kichkinagina bolakay yo‘lda ketayotib o‘zicha qo‘shiq aytayapti:
— Oh, endi seni o‘zganing lablari erkalaydi!
Bir yigit uni eshitib dedi:
— Nima sevgan qizing tashlab ketdimi?
— Yo‘q... Chupa-chupsimni yo‘qotib qo‘ydim...

Futbolchilar maydonga mamlakatni shon-sharafini himoyalaymiz deya baland parvoz gap bilan chiqishdi, aslida esa oddiygina futbol o‘ynasalar yetardi.

Er xotiniga maqtandi:
— Qara, qanchalik ko‘p baliq ovladim!
— Boshimni qotirmang! Qo‘shnimiz uyga kelishdan avval baliq sotadigan do‘konga kirganingizni ko‘ribdi…
— Nimasini aytasan… Baliq ko‘pligidan yarmini do‘konga topshirishimga to‘g‘ri keldi…

Nikoh - shunday voqeaki, undan so‘ng erkak gul sotib olishni to‘xtatib, oziq-ovqat sotib olishni boshlaydi.

Chol dengizdan tilla baliq tu­tib oldi. Tilla baliq tilga kir­di:
— Kampiring haliyam bormi?
— Ha.
— Unday bo‘lsa meni yeb qo‘yaver.

Afandi bozorga boraman deb otini egarlayotsa, oti 1000 so‘m berib "Damas'da borib kelaver" deyarmish

Bir talaba ketayotsa oldidan buxanka non chiqib qolsa bir tepib yuboribdi, buni ko‘rgan boshqa talaba:
— Jinnimisan, axir bu nonku, nega tepasan, undan ko‘ra menga ber buni men yeyman.
— Jinnimasman, endi sal chetroqqa olib o‘t, birga yeymiz.

Talaba bu — aholi qatlamining qimmat telefon tutuvchi, ammo hisobida mablag‘i yo‘q kishisidir.

Ota-onangiz uxlashingizdan oldin sizlarga qanday ertaklarni aytib berishardi?
"Institutni tugatganingdan so‘ng rosa ko‘p pul topasan" - degan ertaklari hamon esimda...

Bir qiz doktorga kelib:
— Meni ari chaqib oldi, - debdi.
Doktor:
— Hechqisi yo‘q! Hozir malham surib qo‘yaman, - desa, qiz:
— Qanaqa qilib surasiz, ari allaqachon uchib ketdi, - debdi.