Doda latifalar

Hayvonot bog‘i. Maymun turgan qafas yonida qizaloq oyisidan so‘radi:
— Oyi, nega maymunlar yuzlarini bo‘yab olishgan?
— Boshqa maymunlarni qo‘rqitish uchun.
— Iye, unda siz dadamni qo‘rqitish uchun bo‘yanib olar ekansiz-da, a?
Yonida indamay ketayotgan dadasi javob berdi:
— Yo‘q qizim. Onang ko‘chadagi odamlarni qo‘rqitib yubormaslik uchun bo‘yanadi.

Kompyuter dasturchisi pianinoning oldiga kelib, uni uzoq ko‘zdan kechirib, dermish:
— Klaviatura noqulay. Bor-yo‘g‘i 84 ta klavishalar bor, ularni-yam yarimidan ko‘pi funksional klavishlar. Hech qaysida yozuvi yo‘q. Lekin «Shift»ning oyoq bilan bosilishi zo‘r ekan.

Bir kuni shifoxonada bemor uxlab yotsa, vrach uni uyg‘otib:
— Uyg‘oning! Uyqu dori ichadigan vaqtingiz bo‘ldi, - degan ekan.

— Bizni rahbar juda aldoqchi, ammo adolatli.
— Qanaqasiga, axir uni aldoqchi deyapsan-ku?
— Ha, u hammani baravariga aldaydi.

Shifoxonalarda "Salomatligingiz o‘z qo‘lingizda" - degan yozuv turadi. Manimcha yaqin orada uni "Salomatligingiz o‘z cho‘ntagingizda" - deb o‘zgartirib qo‘yishsa ajabmas.

Bir yigit Bolgariyaga boribdi. U yerda bir qizni yaxshi ko‘rib qolibdi.
Yigit qizga:
— Seni millating nima?
Qiz:
— Men bolgarkaman.
Yigit:
— Men esa drelman, - dermish.

Er-xotinlar uchun maslahat:
"Uzoq umr ko‘raylik desangiz, ko‘proq meva yeng, bir-biringizni emas!"

— Kabob pishirayotgan nima uchun yelpib turishadi?
— Ko‘mir yaxshi yonishi uchun.
— Yo‘q. Qo‘shnilarga kabob hidi yaxshiroq yetib borishi uchun.

Tunda sevishganlar uchrashib tursa, qizni otasini ovozi kelibdi. Yigit nima qilishini bilmay, yonidagi daraxtga chiqib olibdi.
Otasi yaqin kelib:
— Yarim tunda nima qilyapsan? - desa, qizi:
— Hech nima. Oymomoni tomosha qilyapman, - debdi.
Otasi:
— O‘sha oymomoga ayt, darvoza yoniga kelsin. Velosipedi qolib ketibdi. Olib ketadi, - degan ekan.

— Do‘stim, janjalni qayerida bo‘lgan yaxshiroq?
— Xohlasang yonida bo‘l, xohlasang orqasida bo‘l! Lekin hech qachon o‘rtasida bo‘lma!