Doda latifalar

82 ga kirgan otaxon vrach qabuliga kelib debdi:
— Men kelasi hafta yana uylanmoqchiman.
Vrach:
— Sizni ogohlantirib o‘tmoqchiman. Ortiqcha jismoniy zo‘riqish va hayajonlanish hayot uchun xavfli!
Otaxon:
— Mayli, o‘lib qolsa, yana boshqasiga uylanaman!

Kasalxonada:
— Nima uchun operatsiya xonasidan baqirgan ovoz eshitilyapti?
— Bemor baqiryapti.
— Narkoz qilishmadimi unga?
— Hozir qilindi. Hali hushidan ketgani yo‘q.
— Vrach shoshilib qorinni kesib yubordimi?
— Yo‘q. Vrach internetga kirib, "Ok gugl. Appendiks qaysi tarafda joylashgan" degan edi, bemor uni gapini eshitib qoldi.

YPH xodimi haydovchini to‘xtatib so‘ray boshlabdi:
— Haydovchilik guvohnomangiz bormi?
— Bor, marhamat.
— Mashinani texnik ko‘rik hujjati bormi?
— Albatta.
— Sug‘urta polisi?
— Bor.
— Aptechka?
— Bor.
— O‘t o‘chirgich?
— Bor.
— Mashinangizda radio priyomnik bormi?
— Bor. Nega?
— Musiqani sho‘xidan qo‘ying!
— Nega axir. Hamma narsangiz bor ekan. Hozir raqsga tushaman pul qistirarsiz hech bo‘lmasa...!

— Salom do‘stim.
— Salom.
— Men kecha seni xotiningni avtobusda ko‘rgandim. U menga shunaqa zo‘r latifa aytib berdi, kulaverib sal qoldi divandan tushib ketishimga.

Bir odam Afandidan:
— Afandim, ertalabdan beri boshim qattiq og‘riyapti. Nima qilsam ekan? - deb so‘rasa, Afandi javob beribdi:
— O‘tgan kuni tishim qattiq og‘riganda sug‘urib tashlagandim. Foydasi bo‘ldi lekin, - dermish...

Dunyoda men bilgan 7 ta ajoyib kasb bor:
1. Futbolchi - o‘zi tepib o‘zi quvlaydi.
2. Tikuvchi - o‘z qirqib o‘zi yamaydi.
3. O‘qituvchi - o‘zi bilganini o‘quvchidan so‘raydi.
4. Sartarosh - o‘zi barchani sochini oladi-yu, o‘zini sochini birovga oldiradi.
5. Avtobus haydovchisi - barchani manziliga olib borib qo‘yib, o‘zi piyoda boradi.
6. Arxeolog - o‘zi yo‘qotmagan narsani izlaydi.

Ona besh yoshli o‘g‘liga tanbeh beribdi:
— Hadeb qo‘shnimizni uyiga chiqaverma! O‘zini bolalari ko‘p, yoqmaysan!
O‘g‘li:
— Nega endi? Har chiqqanimda, onasi:
— Kelaqol. Sen yetmay turganding o‘zi!, - deydi-ku...

— Allo, bu Bobur-akani nomerimi???
— Yo‘q, men Shaxnozaman!!
— Aldamang, Bobur-akani nomeriku bu to‘g‘rimi??
— E, qanaqa Bobur? Men Shaxnozman!!!-
— Unda nimaga erimni telefonida Bobur deb yozilibsiz??!!

Er-xotin ta’tilga otlanishibdi. Xotin:
— Bolalarni oyimnikiga, kuchugimizni qo‘shniga tashlab ketamiz.
Mushukni dugonamnikiga olib borib qo‘yaman, - debdi.
Eri o‘ylanib turib:
— Xotin, uyimiz shunaqa tinch bo‘lsa, qayerga ketamiz. Uyda dam olaqolaylik, - dermish.

Bir kishi o‘g‘li 18 yoshga kirguncha aliment to‘labdi.
O‘g‘li 18 ga to‘lgan kuni uni chaqirib:
— Borib onangga ayt! Endi aliment olib bo‘pti mendan. Shu gapni eshitganda onangni yuzini bir ko‘ray! - debdi.
Bola onasiga kelib gapni aytibdi. Onasi:
— Hozir borib adangga ayt. 18 yildan beri aniq o‘zini o‘g‘liga aliment to‘labdimikan? Shu gapni aytganingda adangni yuzini bir ko‘ray! - degan ekan.