Doda latifalar

Bir boydan do‘sti so‘rabdi:
— Uyingga bosqinchilar kirgani rostmi?
— Ha rost!
— Hamma pullaringni, tilla taqinchoqlarni berib yubordingmi?
— Ha, bir zumda olib chiqib berdim!
— Seni qizib turgan dazmol bilan qo‘rqitishibdi. Shunga bir pasta taslim bo‘ldingmi?
— Esing joyidami? Dazmol qizib-qizib, uyimdagi elektr energiyasi hisoblagichi falon pul yozishini kutishim kerakmidi!?

Tobim qochsa ham, kasalxonaga yota olmayman. Hayolimda kasalxonaga yotsam, palataga xotinim kirib keladi-yu, tepamda turib, — "Ataylab, ishlamaslik uchun yotib oldingizmi bu yerga!?", - deb javray boshlaydi, yana...

Bir askar buvisiga xat yozibdi:
"Mehribon buvijonim! Sizni koʻrgani borish uchun ruxsat soʻradim. Lekin berishmadi. Uyda biror arzirli sabab boʻlmasa, bizlarga uyga ruxsat bermas ekan.
Shu sabab, konvertga qoʻshib, posыlka joʻnatyapman. Posыlka ichida granata bor. Shu granatani simini tortsangiz, men uyga borib-kelardim".

Bir ofitsiant vrach yoniga kelib, shikoyat qilibdi:
— Doktor, tunlari tushimga ish vaqtim kiradi. Menga xo‘randalar ovqatlanib bo‘lgach, choy puli uzatishsa, men pullarni olmasdan, qo‘lim bilan itarib tashlayman, - debdi.
Vrach:
— Sizga qanday yordam berishim mumkin?! Tinchlantiradigan dori yozaymi?
— Yo‘q doktor, qo‘llarimni sindirib tashlang!

— Sen birinchi uzat!
— Yo‘q, sen uzat!
— Birinchi uzat!
— Uzat!
— Bunaqada oshni tarqatib bo‘lmaymiz. uzat, kutib qolishdi mehmonlar.

Bir otaning noshud o‘g‘li bor ekan. Nuqul aytilgan ishni teskari bajararkan.
Kunlarning birida ota-bola eshakda bir qop un olib, ko‘prikdan o‘tayotishsa, un eshakni ustidan tushib qolibdi. Shunda otasi:
— O‘g‘lim qopni suvga tashlab yubor, - desa, o‘g‘li ariqqa unni tashlabdi. Otasi:
— Sen nuqul aytganimni teskarisini qilar eding-ku?!, - debdi. O‘g‘li esa:
— Ha endi, bir martta aytganingizni qilay dedim-da, ada, - dermish.

— Do‘stim, men kitob o‘qiganimda shunchalik ko‘p bilimlar miyamga kiradi-ki ...
— Seni miyangda bo‘sh joy ko‘p-de o‘zi, o‘rtoq!!!

Kechasi xilvat ko‘chada:
— Kechirasiz og‘ayni, chekishdan topilmaydimi?, - debdi mast bir kishi o‘tib ketayotgan yigitga.
— Men chekmayman. Uch kundan beri aytyapman, men sportchiman. Sigaret yo‘q menda!
— Iye, tanimabman qarang! Boy bo‘larkansiz...

— Og‘ayni, sen chet ellarga tez-tez borib turasan. Aytchi, Parijga borib-kelish qanchaga tushadi?
— Agar xotining bilan borsang, taxminan bir yarim ming yevro ketadi. Agar yolg‘iz borsang, besh-olti ming yevrodan kam pul olma!

— Itingizni dumini nega kesib tashladingiz?
— Qaynonam kelganida dumini likillatganiga chiday olmadim.