Latifa.uz saytida eng ko'p ovoz olgan latifalar ro'yxati.
Qiz yigitiga qo‘ng‘iroq qilib:
— Tezroq keling, uyda hech kim yo‘q, - debdi.
Yigit uyga kelsa, haqiqatdan ham uyda hech kim, mutlaqo hech kim yo‘q ekan...
Bir kuni Messi ko‘chada sayr qilib yursa, Real jamoasining fanatlari uni rossa do‘pposlashibdi. Messi zo‘rg‘a qochib qutulibdi. Ertasi kuni ko‘chaga chiqsa, yana shu ahvol emish. Bundan charchagan Messi ustiga ayollar kiyimini kiyib, boshiga parik taqib ko‘chaga chikibdi. Shunda pista chaqib turgan xotin Messini yoniga kelib sekingina: — Hoy Messi, bu yoqqa kel!, - debdi. Messi xolani oldiga borib: — Voy xola, mani tanidizmi?, - desa, haligi xolayam parigini yechib: — Ahmoq, qanaqa xola? Man Ronald Kuman, - dermish.
Ikkita do‘st djungli o‘rmonlarida sayr qilib yurishsa, oldidan yo‘lbars chiqib qolibdi. Birinchi yigit yerdan qum olib yo‘lbarsning ko‘ziga sepib yuboribdi-da, tezlik bilan daraxtga sakrab chiqib olibdi. Tepada turib do‘stiga:
— Chiq tezroq daraxtga, - desa,
Pastda turgan yigit:
— Nega? Axir yo‘lbarsni ko‘ziga qumni men sepmadim-ku, - dermish.
Sud zalidagi jarayondan:
— Aytingchi, eringiz bilan nega ajrashmoqchisiz?
— U meni haqorat doim qiladi. Xotinim demay uradi, ...
Zalda g‘ala-g‘ovur ko‘tarilibdi:
— Bizni haqorat qilmayapti-ku, bizni urmayapti-ku, ...
Bir kuni chumchuq pastroq uchib ketayotib, katta tezlikda kelayotgan mototsikl bilan to‘qnashib ketibdi. Mototsiklchi to‘xtab, chumchuqni olib, uyiga boribdi. Qushni qafasga qo‘yib don va suv solingan idishni oldiga qo‘yibdi. Chumchuq hushiga kelib qarasa, qafasda ekan. Suv va donga qarab turib:
— Jin ursin! Mototsiklchini o‘ldirib qo‘yibmanku, - degan ekan.
Operator qizga qo‘ng‘iroq bo‘lmoqda:
— Allo, yaxshi qiz, menga SMSlar yetib kelmayapti.
Operator:
— Fikringizni to‘plang, chalg‘imasdan yana bir martta o‘qib ko‘ring-chi...
Bir kuni chukcha muzlatgich sotib olib, ketayotgan bir paytda. Do‘sti uni ko‘rib so‘rabdi:
— Nega muzlatgich olding? Sizlarda shundoq ham sovuq-ku?
Shunda chukcha kulib:
— Ex, shunga ham kalla yetmadimi? Bu muzlatish uchun emas, isinish uchun.
Afandi zamonning zayli bilan boshqa bir shaharga borib qoldi. U bozorni tomosha qilib yurgan edi, holvapurushning do‘konida turgan har xil holvalarga ko‘zi tushib qoldi. Afandining og‘zidan suvi keldi-da, holvalardan olib, yeyaverdi.
Buni ko‘rgan holvapurush qo‘liga kaltak olib, uni savalay boshladi.
Afandi tayoqning zarbini pisand qilmasdan, holvani to‘yguncha yedi, keyin:
— Bu shahar xo‘p ajib shahar ekanu, holvapurushlari odamni urib holva yedirgani yomon ekan, - deb keta berdi.