Doda latifalar

Qari otaxon nabirasi bilan ovqatlanib o‘tirishsa, nabirasi gapirmoqchi bo‘lib, endi og‘iz ochsa, bobosi:
— Ovqat paytida gapirib bo‘lmaydi, - deb tanbeh beribdi.
Ovqatlanib bo‘lgach, "Endi gapir" desa, nabirasi:
— Boya ovqatingizga pashsha tushib qolgandi, shuni aytmoqchi edim, - dermish.

Bemor istimalab kasaloxonaga kelibdi. Uni kutib olgan hamshira so‘rabdi:
— Shippak olib keldingizmi?
— Ha.
— Kiyimlaringizni olib keldingizmi?
— Ha.
— Ko‘rpa va yostiqlarimiz qolmadi. Olib keldingizmi?
— Ha.
— Mana bu ro‘yxatdagi dorilar ham qolmagan. Olib keldingizmi?
— Ha.
— Yoningizda turgan oq xalatli yigit kim?
— Har ehtimolga qarshi vrachni ham o‘zim bilan olib keldim.

Xotin eriga:
— Shkafimizni qarang! 10 yillik eski matox! Yangisini olaylik!
— Xo‘p, olamiz.
Xotin yana eriga:
— Sovutgich ham eski.
— Yangisiga almashtiramiz.
Xotin davom etib:
— Televizor ham juda eski bo‘lib qolgan! Almashtirish kerak!
Eri:
— Xoy xotin! Sen o‘zingga bir qara! Sen ham nechi yilliksan? Men indamayapman-ku!

Oyim menga nuqul "Uyda o‘tiraversang, hech narsaga erisholmaysan!" der edilar.
Endi esa uyda o‘tirib, dunyoni qutqaryapman.

Ba’zi qog‘ozdagi hisobotlar strelkasiz soatga o‘xshaydi.
Raqamlar bor-u, ma’nosi yo‘q!

Psixolog ayol kishidan so‘rabdi:
— Qaysi ayol erini qanday bo‘lsa shundayligicha qabul qiladi?
Ayol:
— Faqat yer qabul qiladi, - deb javob bergan ekan.

Hammasi o‘sha paytlarda boshlangan edi: "Begim, men sizni qanday bo‘lsangiz shundayligizcha sevaman!"
To‘ydan keyin esa: "Chekmang!", "Ichmang!", "So‘kinmang!", "Qayerda yuribsiz?"...
Men bo‘lsam laqqa tushib o‘tiribman uni yolg‘on va’dalariga...

Boy amaldorning o‘g‘li mashinasida 2 kishini urib yuboribdi. Biri mashinaning old oynasiga urilibdi. Ikkinchisi esa yo‘l chetidagi ariq ichiga tushib ketibdi.
Sud ishi ko‘rib chiqilib, hukm o‘qilayotganmish:
“Birinchi piyoda mashinaning old oynasini sindirgani uchun 2 yilga, ikkinchi piyoda voqea joyidan yashiringani uchun 3 yilga ozodlikdan mahrum etilsin!”

Shunchaki o‘rnimga yotsam – uxlab qolaman.
Kitob o‘qish uchun yotsam - uxlab qolaman.
Biroz televizor ko‘ray, deb yotsam – uxlab qolaman.
Uxlash uchun yotsam, uxlab bo‘pman!!!

Professor:
— 1565 yili nima bo‘lgan?
Talaba:
— Shekspir tug‘ilgan.
Professor:
- 1566 yilda-chi?
Talaba:
— Shekspir bir yoshga to‘lgan.