Doda latifalar

— Oyi, telefoningizda o‘yin o‘ynasam bo‘ladimi?
— Avval darslaringni qil.
— Oyi darslarimni qildim. Endi berasizmi?
— Darslaring tugagan bo‘lsa, endi ishlarga qarash!

Chol kampirga debdi:
— Kel kampir, bir-birimizga haqiqatni aytaylik! Menga necha bor xiyonat qilgansan?
Kampir:
— Oldin o‘zingiz ayting, - debdi.
Shunda chol tomdan bir xalta mosh olib tushib debdi:
— Mana! Shuni ichida necha dona mosh bo‘lsa, shuncha xiyonat qilganman.
— Endi sen ayt, - desa, kampir sandiqdan bir hovuch yong‘oq olib cholni oldiga qo‘yibdi. Keyin kampir choliga:
— Insofsiz ekansiz! Bir xalta mosh qanaqangi ko‘p bo‘lishini bilasizmi?! Shuncha martami? – desa,
— Yo‘q. Meni do‘konga mosh olib kelishga yuborganingda 3-4 haltasini olib chiqib senga bergandim, - degan ekan.

Bugun boshlig‘imiz ta’tildan ishga qaytdi.
Dengizda dam olib, quyoshda rosa toblanib, qorayibdi. Endi aniq mahluqdan farqi qolmabdi!

— Allo, o‘rtoq qayerdasan?
— Avtobusda, kelyapman!
— Tezroq bo‘laqolgin...
— Yaxshi. Hozir, haydovchiga aytaman!

Yaqin do‘stlar choyxonada o‘tirishsa, bitta yigitni kayfi oshib qolibdi. O‘rtoqlari ustidan kulmoqchi bo‘lib, unga savol bera boshlashibdi:
— Eshikni qulfladingmi?
— Ha, - debdi yigit.
— Kalitni ikki martta aylantirdingmi?
— Ha, ikki martta, - deb yana javob beribdi.
— Kalitni oldingmi?
— Mana, cho‘ntagimga soldim...
— Bo‘ldi, unga boshqa quymanglar! Supada o‘tiribmiz-ku! Eshikni qulflaganmush...!!! – deb kulib yuborishibdi.

— D-d-d-d-oktor! D-d-d-oringizni ichgandan k-k-yeyin m-m-m-yen d-d-uqlanyapman!
— D-d-d-avolaymiza! Q-q-q-ani.. B-b-b-yeshgacha s-s-s-anangchi!...

Bir kishi Rossiyaga ishlagani boribdi. Ish beruvchi avval suhbat qilib ko‘rmoqchi bo‘lib debdi:
— Nima maqsadda Rossiyaga yerga keldingiz?
— Neksiya va 2 qavatli uylar qilgani keldim.
Buni eshitib ish beruvchi:
— Nyeksiya bizda chiqmaydi, O‘zbekistonda chiqadi. 2 qavatli uylarga ham o‘zbeklar o‘ch bo‘ladi, - deb orqasiga qaytarib yuborgan ekan.

Yosh ota tez yordamga shoshilinch telefon qilib gapira boshladi:
— Doktor, qizim ko‘k dorini ichib yubordi! Nima qilishni bilmayapman!
— Qizingiz hozir nima qilyapti? Yoningizdami?
— Ha? mana yonimda turibdi. Lablari ko‘m-ko‘k! Tishlari ham! Ko‘karib turgan tilini chiqarib menga tirjayib turibdi... Ayting, nima qilay?
— Tez suratga oling!!!

— Kecha uyga qaytayotsam, menga bosqinchilar hujum qilib, pullarim va tilla zanjirimni tortib olishdi.
— Qanaqasiga axir?! Seni bir xalta oltin medal va chempionlik kamarlaring bor edi-ku!
— Bosqinchilar buni bilishmaydi-da...