Doda latifalar

Qo‘ng‘iroq qilsang, "Eshitmabman", "Telefonim yonimda emas edi" deyishadi.
Telegramdan yozsang, darrov o‘qishadi.

— Oyliklarni oshirib bering!
— Oshdi-ku!
— Bizlarnikini degandik... O‘zingiznikini emas!

Ishga kirish uchun suhbat:
— Qaysi soha bo‘yicha mutaxassissiz?
— Internet ishlab tursa, har qanday sohada mutaxassisman!

— Meni buvam sog‘lom turmush tarafdori bo‘lgan.
— Qanaqasiga?
— Do‘konga har doim piyoda borib kelgan. Hozirgilarga o‘xshab mashinada emas!
— Do‘kondan nima olgan?
— Aroq va sigaret...

Nikoh oqshomida kuyov uyalib o‘tirgan kelinga debdi:
— To‘ygacha qo‘lingni ham ushlatmading. Odobli qiz ekaning shundoq ko‘rinib turibdi. Aks holda senga uylanmagan bo‘lardim.
Kelin javob beribdi:
— Shu narsaga farosatim yetgunicha bilasizmi meni qancha yigitlar tashlab ketishgan...!

Ishga borishni xohlamagnim uchun ertalab hamkasblarimga qo‘ng‘iroq qilib, tana haroratim yuqori ekani aytib, yolg‘ondan "Kovid bo‘lganga o‘xshayman", deb aytdim.
Ertasi kuni 3 ta hamkasbim "Mendan kovid yuqtirib olganini" aytib ishga kelishmadi.

Miya ko‘rinmaydigan joyda joylashgan.
Lekin ishlamasa, darrov seziladi.

O‘rmonda katta bayram! Hamma hayvonlar xursand yuribdi, ayniqsa ayiq.
Chunki Masha turmushga chiqib ketayotgan ekan!

Bir yigit qiziga SMS yozibdi:
— Qalayshan?
Qiz:
— Nega sh? s emas?
Yigit:
— Og‘zimda noshim bor!

Selfiga tushgan ikki dugona suratga qarab turib, biri debdi:
— Voy, xunukligini qara! Bo‘lmaydi! Qaytadan tushamiz!
Ikkinchisi:
— Sen yaxshi tushgansan! Meni qarasang-chi... – desa, dugonasi:
— Men shundoq ham sen haqingda gapiryapman, - dermish.