Doda latifalar

Yarim tunda uyga mast ahvolda kirib kelgan erini yoniga xotini kelib:
— Sizga nima deyishni ham bilmay qoldim, - desa, eri:
— Hayriyat-yey, seni-yam gaping tugar ekan-a, - dermish.

Go‘zallik salonidan chiqgan qizga bir yigit “gap otibdi”:
— Yaxshi qiz, sochingizga nechi pul berdingiz?
— So‘rab nima qilasiz? Baribir pulingiz yetmaydi!
— Ha endi, makiyajga pul yetmadimi deyman-da…

Ustoz o‘quvchidan so‘rabdi:
— Ayt-chi, seni cho‘ntagingda ming so‘m bor. Dadangdan yana ming so‘m so‘rading. Necha puling bo‘ladi?
— Ming so‘m bo‘ladi ustoz.
— Sen matematikani yomon bilar ekansan.
— Siz meni dadamni yomon bilar ekansiz.

Bir yigit bozorda ayollar taqinchoqlarini sotib o‘tirsa, yoniga chiroyli qiz buvisi bilan kelib so‘rabdi:
— Mana bu taqinchoq necha pul?
— 20 ta bo‘sa debdi, - yigit hazillashgisi kelib.
Shunda qiz:
— Men shunisini olaman. Haqqini buvim to‘lab yuboradilar, - dermish.

Er xotiniga:
— Azizam meni quyoshim bo‘lishni istaysanmi?
— Ha albatta!
— Unda mendan 150 million kilometr uzoqda yur!

Bir savdogar kishining Rossiyadan qaytgach ta’surotlari:
“Rossiyada yosh bolalar ham ruschani zo‘r bilishar ekan!".

Bitta erkak yiqilib tushib, boshini yorib olibdi. Qonini yalab ko‘rib, “Peshonam sho‘r ekan”, - dermish.

Tug‘ruqxonada aksiya:
Ikki o‘g‘il ko‘rgan kishiga uchinchisi qo‘shib beriladi!

Hozir kimdir o‘z sevgan qizini qo‘lini ushlab turibdi. Sen bo‘lsa telefonni ushlab o‘tiribsan...

O‘qituvchi “Yashash uchun kurash” mavzusida dars o‘tmoqda:
— Aytinglar-chi, kimsasiz orolga o‘zingiz bilan nima olib ketgan bo‘lardingiz?
— Men och qolmaslik uchun bir qop bug‘doy olib ketardim, - debdi Ma’ruf.
— Men esa bitta xizmatkor va sharob tayyorlash uchun uzum ko‘chatini olib ketgan bo‘ladim, - dermish Sharif.
Shunda Xamid o‘rnidan turib:
— Men orolga o‘zim bilan Ma’ruf va Sharifni olib ketgan bo‘lardim, - degan ekan.