Xotin eriga:
— Dadasi, bugun tushimda menga Galaxy olib beribsiz.
— Xotinjon, senga necha marta aytaman, yomon tush suvga aytiladi, boshqa hech kimga aytilmaydi deb!
Qo‘shnim Hamdam boboning aytishicha, u Titanik kemasini o‘z ko‘zlari bilan ko‘rgan ekan.
Boshidanoq hammani kema cho‘kib ketishi haqida ogohlantiribdi. Hech kim e’tibor bermabdi. Ammo, bobo baribir kema cho‘kib, yo‘lovchilarning katta qismi halok bo‘lishini qayta-qayta aytaveribdi. Axiyri odamlar bezor bo‘lib, boboni kinoteatrdan haydab chiqarib yuborishibdi.
Bir odam donishmandni yoniga kelib debdi:
— Nimaga kambag‘al odamdan yordam so‘rasang, qo‘lidan kelgancha ko‘mak beradi-yu, boy va mansabdordan yordam so‘rasang yordam bermaydi.
Donishmand javob beribdi:
— Derazaga qara! Nimani ko‘ryapsan?
— Ko‘chani, odamlarni, ...
— Endi, ko‘zguga qara!
— Ko‘zguda o‘zimni ko‘ryapman faqat.
— Ana ko‘rdingmi!? Oynaga ozgina kumush qo‘shilgan edi, faqatgina o‘zingni ko‘rsatadigan bo‘lib qoldi. Huddi shu kabi, insonlarga ozgina boylik berilsa, o‘zidan boshqa hech kimni ko‘rmaydigan bo‘lib qoladi.
Bir haydovchini GAI to‘xtatib:
— Hujjatlaringizni taqdim eting, - debdi. Haydovchi hujjatlarni beribdi.
— Qoidani buzdingiz, jarima yozaman, - debdi GAI xodimi.
Haydovchi:
— Mayli, yozing,- debdi.
— Menga biror narsa taklif qilmaysizmi?, - debdi yana GAI.
— Menga turmushga chiqing, - debdi haydovchi.
GAI shu zahoti unga hujjatlarini qaytarib, qochib qolgan ekan.
Yarim kechasi o‘g‘ri bir uyning qulfini kesayotgan ekan. Shu yerdan o‘tayotgan odam, — Nima qilyapsiz?, - desa,
— Men-mi? Skripka chalyapman, - debdi o‘g‘ri.
— Skripkangizni ovozi chiqmayapti-ku?, - debdi boyagi odam. Shunda o‘g‘ri:
— Ovozi ertaga chiqadi, - dermish.
Ko‘chada bir chiroyli ayol bir erkakni oldiga kelib:
— Kechirasiz, nazarimda siz bolalarimdan birining otasi bo‘lsangiz kerak.
Daxshatdan qotib qolgan erkak:
— Yo‘g‘e, bo‘lishi mumkinmas. Nahotki?!
— O‘zizni bosing. Nega xovliqasiz. Man o‘qituvchiman