Doda latifalar

O‘quvchi darsga ikki xil tuflida kelibdi. Biri oq biri qora ekan. Uni ko‘rgan o‘qituvchisi:
— Bor uyingga, almashtirib kel! - desa, o‘quvchi:
— Uyda ham huddi shunaqasi qolgan-da, - dermish.

Bir kvartirada ikkita o‘rtoq yashar ekan. Bir kuni do‘sti hammomga kirib, birozdan so‘ng sherigini chaqirayotmish.
— O‘rtoq, shampun uzatvargin!
— Hammomda shampun ko‘p edi-ku?!
— Hammasi "quruq sochlar uchun" ekan-da. Men esa sochimni ho‘llab bo‘ldim, - dermish.

Bir ayol eri bilan qo‘rqinchli film ko‘rib o‘tirishsa, birdaniga ekranda dahshatli mahluq paydo bo‘lsa, ayol qo‘rqqanidan:
— Voy, oyijon!!! - deb baqirib yuborsa, eri:
— Ha, darrov tanidingmi? - dyermish.

— Og‘ayni, senga achinaman! Uylanganingga bir oydan oshibdi-yu, haliyam paypog‘ingni o‘zing yuvyapsan-a!
— Nima? Ko‘z bormi o‘zi senda? Bu xotinimning paypog‘i-ku!

Vrach - kasal bo‘lsangiz xursand bo‘ladi.
Militsiya - jinoyatchi bo‘lsangiz,
Mashinangiz buzilsa, usta quvonadi.
Faqatgina o‘g‘ri sizga hamisha mo‘may daromad va xotirjam uxlashingizni tilaydi.

O‘qituvchi:
— Boltaboyev, nega sen Lolani jinni deding? Qani darhol unga afsusda ekanligingni aytchi.
Bola qizni oldiga yaqinlashib:
— Lola meni kechir, jinniligingdan afsusdaman.

Parashyutdan sakrash mashqi.
— Askarlar! Sakragandan so‘ng 10 gacha sanab, ipni tortasizlar. Qani olg‘a!
Bir askar yerga tushib, parashyutni yig‘ishtirayotsa, botqoqda bir askar duduqlanib — s-s-sa-sak-kiz-z-z — deb sanab yotgan emish.

— Allo, o‘rtoq, ketingdan ketvommiza, bir orqaga qarab qo‘ygin, Gelenvagenni ko‘rdingmi?
— Yo‘g‘eye?
— Ko‘rdingmi? Biza orqasidagi marshrutkadamiza.

Stomatolog tish olmoqda:
— Qo‘rqma Alisher, bu ishni diplomsiz ham uddalaysan!
Bemor:
— Meni ismim Alisher emas...
Stomatolog:
— Alisher menman!

Ikki do‘st suhbati:
— Do‘stim, yuzingga nima bo‘ldi? Hamma yog‘ing ko‘karib ketibdi-ku?!
— Kecha trenajyor zaliga borgandim. Bir baquvvat yigitni qo‘lidan tosh tushib ketsa bo‘ladimi!?
— Buni yuzingga nima aloqasi bor?
— Kulmasam bo‘larkan...!