— Salom do‘stim! Eshitishimcha urushda sen yarador bo‘lgan ekansan? — Ha, chap ko‘kragimga o‘q tekkan. — Unda qanday qilib tirik qolgansan, yuragingga tegmaganmi o‘q? — Yo‘q! O‘q tekkan paytda yuragim tovonimga tushib ketgandi.
Ikki burga suhbatlashmoqda: — Ey o‘rtoq, kal odamning boshida nima qilib yuribsan? Sochi bor odamni boshida mazza qilib yur! — Men o‘zi sochi bor odamni boshida yashayman. Bu yerga faqat chang‘i uchgani kelib turaman.
Ustoz o‘quvchilarga: Ertaga hammangiz 5000 dan remontga olib kelinglar!
Shunda bir o‘quvchi:
— Ustoz meni dadam bilan oyim Rossiyada-ku!? - desa, ustoz:
— Unda 50 dollar olib kelaver, - dermish.
Er ertalab uyqudan uyg‘onib, "Xotin!", - deb chaqirsa, xotini yugurib kirib:
— Turdingizmi azizim? – desa, eri jilmayib:
— Ha, turdim baliqcham! Nonushtani tayyorlang! - debdi.
Xotini ham jilmayib:
— Ho‘p bo‘ldi ayiq polvonim, - deb chiqib ketayotsa, eri o‘ziga-o‘zi pichirlab: "Nima balo u ham meni ismimni esidan chiqarib qo‘ydimikin”, - dermish.
Xotin eriga:
— Dadasi, bugun tushimda menga Galaxy olib beribsiz.
— Xotinjon, senga necha marta aytaman, yomon tush suvga aytiladi, boshqa hech kimga aytilmaydi deb!
Bir yigit uylanib, to‘y kuni kelinga debdi:
— Men erkak kishiman. Erkak kishi "ko‘chani odami" bo‘ladi. Shunday ekan men ko‘chada ko‘p bo‘laman. Seni borliging men uchun ikkinchi darajali ish, tushundingmi? - desa, kelin:
— Ha tushundim! Endi men shu uyga kelin ekanman, qaynona-qaynotamga nabiralar tug‘ib, ularni xursand qilishim kerak. Shunday ekan, menga ham sizni ko‘chada ekanligingiz ikkinchi darajali ish, - dermish.