Doda latifalar

Bir yigit tabibga borib:
— Negadir meni gapimni hech kim eshitmayapti. Uydagilar, ishxonadagilar, ko‘chadagilar, hech-kim... Siz biror chorasini topa olasizmi deb yoningizga keldim, - desa, tabib:
— Gapirsang, tezroq gapir uka. Meni vaqtimni olma!, - dermish.

Afandi yog‘ olish uchun kosa ko‘tarib bozorga boribdi. Yog‘furushdan bir tangalik yog‘ so‘rabdi. Yog‘furush bir tangalik yog‘ni kosaga quygan ekan, kosa to‘lib, ozginasi ortib qolibdi.
— Qolganini nima qilamiz? - so‘rabdi yog‘furush.
— Orqasiga quy, - deb afandi kosani ag‘dargan ekan, ichidagi yog‘ to‘kilib ketibdi. Afandi ham ozginagina yog‘ni ko‘tarib, uyiga kelibdi. Yog‘ni ko‘rgan xotini qichqiribdi:
— Shu yog‘ni oldingiz xolosmi?
Afandi bo‘lsa:
— Ey nodon, ko‘p qichqirma! Bu yog‘ida ham bor, - debdi-da, kosani ag‘dargan ekan, qolgan yog‘ ham to‘kilib ketibdi.

Qarg‘a tumshug‘ida pishloq tishlab, daraxtda o‘tirgan ekan. Bir payt daraxt tagiga ayyor tulki kelibdi-da, qo‘lidagi gazetani varoqlab o‘qiy boshlabdi:
— O‘rmonimizdagi hayot kundan-kunga yaxshilanmoqda. Tez orada har bir daraxt shohlarida pishloqlar pishib turadi...
Qarg‘a esa buni eshitib, tulkining ustidan — "xa-xa-xa", - deb kulgan ekan, og‘zidagi pishloq to‘ppa-to‘g‘ri tulkining qo‘liga kelib tushibdi.
Shunda tulki pishloqni og‘ziga solib, daraxt tepasidagi qarg‘aga:
— Gazetadagi xabarlar ustidan kulish yaxshi emas, - degan ekan.

— Otaxon, yuz yoshdan oshibsiz. Buni siri nimada?
— Buni siri - umrimda hech kim bilan tortishmaganman, garov o‘ynamaganman.
— Yo‘g‘eyeye, bo‘lishi mumkinmas...
— To‘ppa-to‘g‘ri, bo‘lishi mumkinmas!

Hozirgi qizlarning sevgisidan, mening telefonim batareykasi ko‘pga yetadi.

Maktabda e’lon: "Ota-onalar majlisi soat 3 da boshlanadi. Kirish bepul. Chiqish 5 ming so‘m."

Qo‘shni o‘g‘lingizni tarbiyasi bilan yaxshilab shug‘ullansangiz bo‘lmaydimi? Bemaxalda tungi barlarda, kafelarda daydib yurarkan?!
— Sizga kim aytdi?
— Ana qizim aytdi, har kuni ko‘rar ekan!!!

Tiqilinch avtobusda, bir rus qiz siltanib cholni tizzasiga o‘tirib qolib...
— Ux tы, kakoy koshmar, - desa.
Chol:
— Qizim senga tekkan narsa koshmar emas, nosqovoq, - dermish.

Xotinim mendan xafa bo‘lsa, gaplashmay qo‘yadi. 2 kundan keyin o‘zi birinchi bo‘lib gapirishni boshlaydi. Bilasizmi nimaga? Chunki o‘tgan 2 kun meni tinch yurganimga chiday olmay gapirvaradi.

Bir kishi uyini devorlariga gulqog‘oz (oboy) yopishtirmoqchi bo‘libdi. Pastki qavatdagi qo‘shnisini uyiga tushib so‘rabdi:
— Siz yaqinda remont qilgan edingiz. Qancha gulqog‘oz sotib olgansiz?
— Olti o‘ram gulqog‘oz sotib olganman, - debdi qo‘shnisi.
U kishi ham bozordan oltita gulqog‘oz sotib olibdi.
Ta’mirlash ishlarini tugatib bo‘lgach qarasa, 2 ta o‘ram gulqog‘oz ortib qolibdi.
Qo‘shnisini eshigini taqillatibdi.
— Qanaqa odamsiz?! Rostini aytsangiz bo‘lmasmidi!? 2 ta o‘ram gulqog‘oz ortib qoldi-ku, - desa, qo‘shnisi:
— Menda ham 2 ta o‘ram ortib qoldi. Siz mendan qancha gulqog‘oz ishlatdingiz deb emas, qancha sotib olgan edingiz deb so‘radingiz-ku!