Doda latifalar

Bir bolakay maktabga ketayotsa, yoniga taksi kelib to‘xtabdi-da:
— O‘tir olib borib qo‘yaman, - debdi haydovchi bolaga rahmi kelib. Bolakay mashinaga chiqibdi-yu, haydovchiga savol bera boshlabdi:
— Otam harbiy, onam militsiyada ishlasa, men kim bo‘laman?
— Yaxshi harbiy bo‘lasan.
Bolakay yana so‘radi
— Agar otam o‘qituvchi, onam esa bog‘cha tarbiyachisi bo‘lsa, men kim bo‘laman?
Haydovchi:
— Murabbiy bo‘lsang kerak.
Shunday qilib bolakay savol beraveribdi. Oxiri haydovchi jahli chiqib, bolaga o‘girilibdi-da:
— Agar otang bema’ni, aroqxo‘r, qimorboz bo‘lsa, onang betayin buzuqi bo‘lsa, sen kim bo‘lasan?
Shunda bolakay:
— Taksichi bo‘laman, - degan ekan.

— Sobir, nega maktab remontiga pul olib kelmading?
— Men maktabni hech qayerini buzmadim-ku!?

Er-xotin gaplashib o‘tirishsa, telefon jiringlab qolibdi.
Er:
— Agar meni so‘rashsa, uyda yo‘qlar deb aytgin, - debdi.
Xotin borib telefon go‘shagini ko‘tarib:
— Allo, yo‘q, erim uydalar, debdi.
Eri jahli chiqib:
— Ahmoq, meni uyda yo‘q, deb aytgin dedim-ku senga, - desa, xotin bamaylixotir dermish:
— Nega jahl qilasiz? Axir telefon sizga bo‘lmadiku, - dermish.

— Sobir, do you speak English?
— Nima?
— Qodir, do you speak English?
— Nima?
— Saida, do you speak English?
— Yes? I do!
— Nima?

— Zerikdingizmi? Sirlaringizni kimga aytishni bilmayapsizmi? Barcha sirlarni ochib, o‘zingizni yengil his qiling! 102 qisqa raqamiga qo‘ng‘iroq qilib, barchasini ro‘y-rost gapirib bering!

Bir yigit sehrli chiroqni topib olibdi-da, uni ishqalabdi. Shu payt ichidan jin chiqib:
— Tila tilagingni..., - debdi.
Yigit ham shoshilib qolib:
— Tinch okeani ustidan o‘tadigan ko‘prik qurib ber!, - deb yuboribdi.
— Esing joyidami?! U okean bo‘lsa... O‘zingga foydaliroq narsani so‘rasang-chi, - desa, yigit:
— Dunyodagi barcha ayollarni javramaydigan qilib qo‘y!, - debdi.
Jin ham o‘ylanib turib:
— Qayerga ko‘prik qurish kerak edi...?, - dermish.

— Men fermerman. Yetti mingta qo‘y boqaman. U ham yetmagandek, o‘g‘lim Toshkentda o‘qiydi. Uni domlasini-yam qo‘shib boqaman.

Bir kuni afandi o‘zbek, rus va qozoqga bittadan avtomobil olib kelishlarini aytibdi. O‘zbek velosiped, rus Malibu haydab kelibdi. Qozoqdan esa darak yo‘q emish. Shunda afandi:
— Endi har kim olib kelgan narsasini ko‘tarsin, - debdi.
O‘zbek velosipedni darrov ko‘taribdi. Rus esa bir kulib, bir yig‘larmish.
Afandi rusdan nega kulib, yig‘layotganini so‘rabdi.
Shunda rus afandiga:
— Yig‘lashimni sababi, Malibuni ko‘tara olmayapman. Kulishimni sababi esa, anavi yerda qozoq tank haydab kelyapti, - dermish.

Bir yigit uylanibdi. Chimildiqqa kirgandan so‘ng, xotiniga qarab:
— Bu uy endi seniki ham, hamma narsaga teginishing va ishlatishing mumkin. Faqat bitta anavi sandiqqa tegmaysan. Teginsang kechirmayman seni, - debdi.
Xotini xo‘p deb 20 yil teginmabdi. Oxiri sabri chidamay sandiqchani ochibdi.
Qarasa 500000 ming so‘m pul bilan uch dona tuxum bor ekan. Eri kelgandan keyin so‘rabdi.
— Ha, mayli ochibsanda oxiri. Gap shundaki qachon senga hiyonat qilsam sandiqchaga bitta tuxum qo‘yar edim, - desa
Xotini:
— Ha, 20 yil ichida uchta hiyonatni kechirish mumkin. 500000 ming so‘m pul qanday keldi? - desa..
Er:
— Bilasanmi asalim tuxumlar ko‘payib ketgandan so‘ng sotishga to‘g‘ri keldi, - dermish

Qiz bilan yigit birinchi bor uchrashgani chiqishibdi. Yigit qizni muzqaymoq bilan mehmon qilibdi. Ikkalasi indamay muzqaymoq yeyayotgan ekan, qiz yigitdan so‘rabdi:
— Nega gapirmay indamay o‘tiribsiz, nimalar haqida o‘ylayapsiz?
— O‘sha siz o‘ylayotgan narsalar haqida o‘ylayapman.
— Voy, uyatsiz, uyalmaysizmi to‘yimiz bo‘lmay turib, shunaqa narsalar haqida o‘ylagani?