Doda latifalar

Bir ayolni eri olamdan o‘tibdi.
Ayol qabr ustida yig‘lab dardini to‘kib solibdi:
— O‘g‘limizga shim, qizimizga ko‘ylak, u kerak bu kerak, - debdi.
Kechasi tushiga eri kirib:
— Xotin man o‘ldim, Dubayga ketganim yo‘q, — debdi.

Qamoqxonada o‘tirgan bolaga onadan xat kelibdi:
— Bolam ogorodni chopish, kartoshka ekish kerak, endi man qarib qoldim, bir o‘zim qiynalvoman, debdi.
O‘g‘li xat yozib konvertni yuziga, "Onajon ogorodni chopmang sizniyam qamashadi, mangayam srok qo‘shishadi", deb yozib qo‘yibdi.
Bir haftadan keyin onadan xat kelibdi:
— Bolam sandan xat keganidan keyin, uyimizga 4ta militsiya keldi, butun ogorodni chopib tashashdi, debdi.
Bola onaga javob xati yo‘llabdi:
— Ona qo‘limdan kegani shu, kartoshkani o‘ziz amallab ekvolarsiz, dermish.

Nafaqaga chiqayotganingda, bir umr pul to‘lanadigan ta’tilni orzu qilganingni esla!

"Biz yaxshiroq yashashni boshladik!" dedi amaldorlar.
"Avval ham yomon yashamagansizlar!" dedi xalq.

"Dunyoda tinchlik!" jumlasini insonlarga sodda tilda tushuntirish uchun musobaqa e’lon qilinibdi. Internetda 200 ta jumla orasida eng ko‘p ovoz to‘plagani - "Bolalar uyquda!" jumlasi birinchi o‘rinni olibdi.

Eshkakchilar o‘rtasida musobaqa o‘tkazildi. Har bir qayiq 9 kishini ko‘tara olar edi. Yaponiya eshkakchilari g‘olib bo‘libdi. Biznikilar esa eng oxirgi.
Natija tahliliga ko‘ra yaponlar qayig‘ida 1 ta boshliq va 8 ta eshkakchi bor ekan.
Biznikilar guruhda esa 1 ta umumiy boshliq, 3 ta o‘rinbosar, 4 ta bo‘lim mudiri va 1 ta eshkakchi bor edi. Biznikilar darrov mag‘lubiyat sababini aniqlashdi. Eshkakchi aybdor! U ishdan ketibdi.

Qiz onasi bilan doktorga boribdi. Doktor qizga:
— Yechining, tekshiramiz, - desa
Qiz:
— Men emas, oyim kasal, - desa
Doktor:
— Qani opajon og‘zingizni ochib: "A-A-A" - dengchi dermish.

Aqlli kapalak atigi bir kun yashashini bilib qolib, o‘sha kuni jinoyat qilgan ekan, 15 kun o‘tirib chiqibdi.

Akula bolasi onasidan so‘rabdi:
— Ona, nega biz odamni yeyishdan avval suvda uni atrofida uch martta aylanamiz? Darrov yeb qo‘ysak bo‘lmaydimi?
Onasi debdi:
— Darrov yeb qo‘ysang, oshqozoningda baqiraverib jonga tegadi. Avval suvda baqirib olsin, keyin yeysan!

— Kechirasiz, shu yaqin-atrofda militsiyani ko‘rmadingizmi?
— Yo‘q, ko‘rmadim.
— Unda hamyoningni ber ovsar!