Shogird ustozidan so‘radi: — Ustoz, nega men 2 yildan beri o‘qishga kira olmayapman? Buning sinoati nedir? Ustoz chuqur o‘yga toldi va vazminlik bilan javob so‘radi: — Sen quyoshning tog‘lar ortidan sekin-astalik bilan chiqishini, maysalar ustidagi qirovni qitiqlab eritib, tiniq shabnam tomchilariga aylantirishini kuzatasanmi? — Albatta, ustoz. — Tog‘dan sharqirab, olamga shovqin solib tushayotgan sharsharaning, daryoda sokin mavjlanayotgan suvning so‘zlariga quloq solasanmi? — Shubhasiz, ustoz. — Kumush qadahga to‘ldirib quyilgan mayning yuzida o‘z aksingni ko‘rganda chuqur o‘yga tolasanmi? Hayotning ma’nosi haqida fikr yuritasanmi? — Juda ham ko‘p marta, ustoz. — Oydek suluv go‘zalning ko‘ksiga boshingni qo‘yib, uning har bir yurak urishida namoyon bo‘lgan muhabbatni vujudingda xis qilasanmi? — Deyarli har kuni, ustoz. — Haa, ahmoq, kaltafahm! Vaqtingni bunaqa bekorchi narsalarga sarflamasdan ketingni bir joyga qo‘yib, qunt bilan o‘qiganingda allaqachon talaba bo‘lib yurgan bo‘larding! degan ekan.
Bir ayol onasini 2 kunga onasini ko‘rib kelish uchun ketibdi. Ketayotib erini vafodorligi sinamoqchi bo‘libdi.
Ertasi kuni uyga xotini qaytib kelsa erini jahli chiqib o‘tirgan emish.
— Onasi, qoshiqlarni qayerga qo‘ygansan? Kecha topa olmay, ovqatni qo‘lda yedim, - desa, xotini yotoqxonaga kirib eri uxlaydigan ko‘rpani tagini ochib:
— Mana qoshiqlar. Agar men yo‘qligimda ham uyda uxlaganingizda ko‘rgan bo‘lar edingiz, - dermish.
Messidan bir oʻzbek jurnalisti intervyu olibdi:
— Nega siz kutilmaganda bizning futbol jamoamizga oʻtdingiz?
Messi javob beribdi:
— Bu yerda yaxshi ekan! Koptokni xohlagan tarafga tepsa boʻlarkan...
Navbatdagi mag‘lubiyatdan keyin O‘zbekiston futbol ishqibozlari choyxonaga kirib askiyalashib o‘tirishganmish:
— Man o‘yinchilarimiz tepgan to‘pini kapalakka o‘xshatdim.
— Nega?
— Burchakdan to‘p tepishlari huddi kapalak ohista uchib, raqib darvozabonini qo‘liga sekingina qo‘nganday bo‘lganligi uchun...
— Men esa o‘yinchilarimizni ertaklarimizdagi kenja botirga o‘xshatdim.
— Nega?
— To‘p bilan darvozaga yaqin kelganda darvozaga tepaymi, chapga oshiraymi yoki o‘nggami? - deb chuqur hayolga botishganligi uchun...
— Men esa o‘yinchilarmizni mehmondo‘st azamatlarga o‘xshatdim.
— Nega?
— Hech ko‘ptokni talashishmaydi. Oling-oling deb mehmonlarga uzatgani uchun...
Matematik bilan fizik o‘rmonda sayr qilib yurishsa, oldilaridan och ayiq chiqib qolibdi. Ikkovi sarosimaga tushib matematik debdi:
— Ayiqni tezligi 20km/soat, og‘irligi 300kg, qochish befoyda, baribir yetvoladi...
Fizik bo‘lsa:
— Ayiq oshqozonining hajmi 20 kub.detsimetr. Odam hajmi 100 kub.detsimetr. Ayiqqa sen matematikni o‘zi bemalol yetadi. Qochib qolish kerak! – debdi.