Doda latifalar

— Do‘stim, kecha kechqurun ichib kelganmiding?
— Sen qayerdan bilding?
— Telefoningni chirog‘ini yoqib olib, telefoningni qidirayotgan eding.

Matiz avtomobilini orqasidan katta tezlikda kelib urgan Malibu 2 ni yoniga GAI xodimi kelib qarasa, oynalari qoraytirilgan Malibu 2 ni ichida shahar sudyasi o‘tirgan ekan. GAI sekingina Matizni yoniga borib "Hurmatli haydovchi! Siz Malibu 2 avtomobilini katta tezlikda quvib o‘tib, uni old tarafiga urdingiz! Hujjatlarni taqdim eting!" - dermish.

Sartarosh soch olish jarayonida mijoziga savol beribdi:
— Aytinchi, qaynonangiz bormi?
— Yo‘q! Qaynonam yo‘q!
Birozdan so‘ng sartarosh yana:
— Qaynonangiz bormi?
— Yo‘q dedim-ku sizga!
Sal o‘tgach:
— Qaynonangiz bormi?
— Nega hadeb qaynonam haqida so‘rayverasiz?
— Shunday qilsam sochlaringiz tikka bo‘lib, kesish oson bo‘lyapti.

Psixologiya darsida talabalar professordan ma’ruza tinglashmoqda.
Professor:
— Hozir men sizlarga insondagi 2 holatni ko‘rsatib beraman.
Professor qo‘l telefondan xohlagan raqamiga qo‘ng‘iroq qilib:
— Allo, Baxtiyor bormi? - debdi.
Go‘shakdan:
— Boshqa raqamga tushdingiz. Baxtiyorni raqami emas! - degan javob bo‘libdi.
— Bu "bezovtalanish" holati, - debdi professor.
Keyin yana telefondan o‘sha raqamga qo‘ng‘iroq qilibdi.
— Allo, Baxtiyor kelmadimi hali? - debdi professor.
— Men sizga Baxtiyorni raqami emas deb ayttimmi?! Nega tushunmaysiz?! - deb javob berishibdi.
— Bu "asabiylashish" holati, - debdi professor.
Shu payt oldi qatorda o‘tirgan talabalardan biri debdi:
— Men "shokka tushish" holatini ko‘rsatib bermoqchiman.
— Marhamat! - debdi professor va qo‘lidagi telefonni talabaga uzatibdi.
Talaba yana xuddi o‘sha raqamga qo‘ng‘iroq qilib:
— Allo, men Baxtiyorman! Meni hech kim so‘ramadimi? - debdi.

Qiz voyenkomat eshigi yonida yig‘lab tursa, komandir chiqib:
— Yigitingni armiyaga olib ketishdimi? - debdi.
— Ha, uchchalasini baravar olib ketdi, - debdi qiz.

Yurtimizda mehmon bo‘lib yurtiga qaytayotgan chet ellikdan aeroportda so‘rashibdi:
—Xo‘sh qalay, O‘zbekiston sizga yoqdimi?
U javob beribdi:
—Ha, juda-yam! Hamma urf-odat va an’analaringiz yoqdi-yu, shu ommaviy chiroq va gazlarni o‘chirib qo‘yish udumi yoqmadi, - degan ekan.

Bir kuni tish shyotkasi sovunga dardini aytib qolibdi:
— Bilasanmi, odamlar men bilan tishlarini yuvishadi.
Shunda sovun xafa bo‘lib:
— Shukur qil! - degan ekan.

Bir kishi to‘y qilmoqchi bo‘lib, afandiga to‘yga aytishni buyuribdi.
Afandi boyni uyiga borib, to‘yga aytsa, boy:
— To‘yga aytishga tuzukroq odam topilmadimi? - debdi.
Afandi boyga qarab turib:
— Tuzukroqlar tuzukroq odamlarnikiga aytishga ketdi-da boy ota, - degan ekan.

Agar tushingizda hojatxonani ko‘rsangiz, undan foydalanmang!