Дода латифалар

Ҳар куни компьютеримдан Гугл хотирасини ўчириб тураман.
Касбимга оид билимларни интернетдан қидириб топаётганимни ҳеч ким билиб қолмаслиги керак.

Оғир вазнли аёл тарозига чиқиб, врачдан сўрабди:
— Бунақа вазнга мос келиши учун бўйим қанча бўлиши керак?
Врач:
— Тўрт метр бўлиши керак...!

Ҳаммада шунақами?
Фарзандим билан дарс тайёрлашни бошласам, "Ўзи мактабда ўқиганманми?" деган фикр ҳаёлимга келаверади...!

Тўйда келин-куёв ўтирса, келин куёвга шивирлармиш:
— Тезроқ тўй тугаса-ю, ичкарига кираволсак...!
Куёв келинга қараб:
— Сизни ҳам оёғингизни янги туфли сиқиб юбордими-а?!

Фарзандимдан карра жадвалини сўраётган вақтимда ўзимни телебошловчига ўхшатаман.
Ҳеч нарсани билмайман. Лекин бош чайқаб тураман.

— Дўстим, сени борган сари Пушкинга ўхшаб кетяпсан!
— Жингалак сочларим биланми?
— Йўқ, сени дуэлда отиб ташлагим келяпти!

Бир одамни ўғлини қўшнисини кучуги тишлаб олибди.
Врачга борса, врач сўрабди:
— Болангизни қандай ит тишлади?
— Кичкина ит тишлади, - жавоб берибди ҳалиги одам.
— Дайди ит тишладими ёки таниш итмиди деб сўраяпман, - дебди врач.
— Мени итлардан танишим йўқ, - дебди бояги одам.

Она тили дарсида. Ўқитувчи ва ўқувчи савол-жавобидан:
— От неча турга бўлинади?
— Икки турга, устоз!
— Нотўғри Асқаров! Хўш, от қандай саволларга жавоб бўлади?
— Неча ёшда ва неча мартта болалаган деган саволларга, устоз...!

Кечаси соат 23.00лар атрофида. Телефон қўнғироғи жиринглабди.
Эр:
— Алло?
Хотин:
— Лаббай?
Эр:
— Бугун кеч қолиб кетдим...
Хотин:
— Ҳечқичи йўқ.
Эр:
— 3-4та оғайниларим билан кафеда ўтиргандик.
Хотин:
— Майли, яхши!
Эр:
— Кечирасиз, бошқа жойга тушдим шекилли?!

Қорбобо:
Бу йил мендан ҳамма бева аёллар турмуш ўртоқ совға қилишимни сўрашди.
Нима эмиш!? Чол бўлса ҳам майли, ичмаса, чекмаса, урмаса, сахий бўлса, кифоя дейишибди.
Эҳ, ахир мен уларни барчасига уйлана олмайман-ку!