Дода латифалар

Бир студент кундалик харажатларга пул топиш учун мардикор бозорга чиқибди. Ўзи кичкина озғин экан, ҳеч ким ишга ёнламабди. Бир пайт қора Мерс келиб тўхтабди. Ичидан учта крутой одамлар тушиб тўғри унинг олдига келиб:
— Сен тўғри келасан, юр иш бор, - деб уни олиб кетибди.
Студентни ҳайвонот боғига олиб боришибди. Ҳайвонот боғи директори:
— Ука сенга 200 минг сўм бераман, ҳайвонот боғига комиссия келаяпти, маймунимиз ўлиб қолганди. Туппа тузук маймунга ўхшайдиган бола экансан, комиссия кетгунча маймуннинг ниқобини кийиб, маймун бўп тур, - дебди.
Студент рози бўлибди.
Комиссия келибди. Студент "бу зўр маймун экан", - ўйласин деб каратега тушиб томоша кўрсатаётганмиш. Комиссия аъзоларидан бири:
— Бу каратист маймун экан, келинглар шер билан уриштирамиз, - дебди.
Шерни маймуннинг қафасига қўйворишибди. Шер студентга ўкириб яқинлаша бошлабди.
Студент бурчакда. Шер яқинлашган сари, студентнинг иштони оғирлашармиш. Ниҳоят шер студентнинг ёнига келиб:
— ўўў, қўрқма братишка, менам ТОШМИда ўқийман, - дермиш

Бир киши докторга шикоят қилибди:
— Доктор ўпкам оғрияпти шекилли
— Чекасизми?
— Ҳа
— Қанақа сигарет чекасиз?
— Ҳар-хил
— Иложи бўлса чекишни ташланг, бўлмаса бир хил сигарет чекинг
— Нима энди эрталабдан кечгача битта одамни орқасидан юравераманми?

Бемор доктордан сўраяпти:
— Доктор, мен тузаламанми?
Доктор:
— Бу нарса ўзимгаям қизиқ...

Шкаф ичидаги толиби илм устози пири Комилдан сўради:
— Устоз, биз бу ердан қачон кетурмиз?
Пири Комил жавоб қилди:
— Эээ? йиғиштир адабийча гаппи, эри кетсин, сурамиз.

Бир одам сеҳрли чироқ топиб олибди ичидан жин чиқиб тила тилагингни, - деса.
— Эр бўлиш жонга тегди эрталабдан кечгача эшакдай ишлайсан хотиним уйда мазза қилиб ўтиради мани ишлаганимни кўрмийди қадримга етмийди. Кел мени хотинимни ўрнига, хотинимни мани ўрнимга алмаштириб қўй бир қадримга етсин, - дебди.
Жин:
— Хўп, бўлади, - дебди.
Эрталаб туриб қараса хотини билан жойи алмашиб қолибди. Хотини ишга кетибди.
Акамиз эса эрталабдан ҳовли супурибди, кир ювибди, болларни боғчага обориб олиб келибди. Овқат қилибди, уни устига хотини ишдан келиб акамиздан айб топиб уришибди. Шу тарзда бир ой ўтибди. Охири жонига тегиб Жинга айтибди:
— Жин, мени ўз холимга қайтар. Хотинларга ҳам осон эмас экан, - деса.
— Жин бу хали холва, буни иложи йўқ энди, кеч дебди,
Акамиз:
— Иее, нега иложи йўқ? Нега кеч? - деса.
Жин акамизга қараб:
— Сиз ҳомиладорсиз, - дермиш.

Бир куни Криштиану Роналду бурчакдан тўп тепаётганда тўп ўрнига қаттиқ тошни тепиб ҳушидан кетиб қолибди. Туриб қараса, шифохонада. Ҳамма қора кийимда. Шунда ҳайрон бўлиб, қора кийимдаги қора Кьеллинига қараб:
— Ҳа, мени ўлди деб ўйладингларми? - деса
— Йўқ, сен тепган тўпга калла қўйган Манжукич ўлди, - дермиш.

Жиннихона бош шифокорига мухбир савол бермоқда:
— Беморларингиз соғайганини қандай биласиз?
— Ваннага сув тўлдирамиз ва ёнига қошиқ билан коса қўямиз. Беморларни чақирамиз ва ким биринчи бўлиб ваннани бўшатса, ўшанга жавоб беришимизни айтамиз.
— Тушунарли, соғ одам сувни коса билан бўшатади, шундайми?
— Йўқ, соғ одам ваннанинг тиқинини суғуриб ташлайди.

Бир одам дўкондан балиқ сотиб олгани борганди, балиқларнинг ичида бир қийшиқ балиқ турганмиш. Шунда ҳаридор сотувчига қараб:
— Ака, нега бу балиғингиз қийшиқ деса.
— Ҳа, бу балиқни бурилишда ушлаганмиз дермиш.

Иккита врач суҳбатлашмоқда:
— Биласизми, мен беморимда ультратовуш текшируви ўтказиб шундай диагноз қўйдимки, у 1 ойдан ортиқ яшамаса керак деб ўйлагандим. 1 йил ўтди, соппа-соғ юрибди...
— Кўрдингизми? Инсон яшашни истаса, сиз билан мени диагнозларим бир тийин экан.

— Алло, ҳайвонларни ҳимоя қилиш жамиятими?
— Ҳа. Нима гап?
— Бу ёққа одам юборсангиз. Ҳовлидаги дарахтга почтачи чиқиб олибди. Пастдаги итни ҳақорат қиляпти.