Дода латифалар

— Бошлиғингни кайфияти яхши эканини қаердан билдинг?
— Маошимни оширишни сўрасам, роса кулди-ку!

Йигит Бўзсув қирғоғида ўтирса, сувдан бир қурбақа чиқиб қолибди-ю, тилга кирибди:
— Мени ўпсанг, гўзал маликага айланаман...
Буни кўрган йигит қурбақани олиб чўнтагига солаётганмиш:
— Нима қиляпсан? Мен гўзал маликаман, - деса, йигит:
— Гўзал маликалар тиқилиб ётибди. Гапирадиган қурбақа ҳали бирорта блогерда йўқ. Сен менга шундайлигинча кераклироқсан! - деган экан.

Қамоқхонада бир маҳбус иккинчисидан сўраяпти:
— Сен ўзи бу ерга қандан қилиб келиб қолгансан?
— Аксирганим учун келиб қолдим.
— Сени коронавирус бўлган деб ўйлашдими?
— Йўқ. Ўғриликка тушганимда аксириб, қоровулни ўйғотиб юборганман.

— Дўстим, мен бу йил албатта институтга кираман!
— Нега бунча аниқ гапиряпсан?
— Тоза ҳавода мия яхши ишлайди дейишади-ку!

Жиноятчилар гуруҳи томонидан заҳарланган пуллар хайрия фондига топширилибди.
Нима учундир барча бошлиқлар ва назоратчилар заҳарланибдилар.
Муҳтожлардан бирортаси ҳам заҳарланмабди.

Эри ярим тунда маст аҳволда уйга кириб келса, хотини:
— Соат нечи бўлди?! Шу пайтгача қаерларда юрибсиз? - деб қўлига соатни оволиб жаврай кетибди.
Эри хотиржам овоз билан:
— Кўп валдирама! Акс ҳолда кейинги сафар кўлингга календарь олиб гапирасан! - дермиш.

Она туя ва бўталоқ суҳбати:
— Ойи, нега бизни оёқларимиз катта ва хунук? Отни оёғини қаранг. Шунақа бўлса бўлмайдими?
— Эҳ болам, биз чўлда, қумни устида юрамиз. Шунинг учун оёқларимиз шунақа.
— Ойи, нега бизни белимизда ўркач бор. Текис, чиройли бўлса бўлмасмиди?!
— Ўғлим, биз чўл ҳайвонимиз. Ўркачимизни ичида сув ва ёғ сақлаймиз.
— Ойи, нега бизни лабларимиз бунақа катта ва қўпол?
— Чунки чўлдаги тиконларни ейишга мўлжалланган.
— Ойи, ахир биз туғилгандан бери зоопаркда яшаймиз-ку!

Йигит қизга:
— Сени қаттиқ севаман.
— Бу гапни кўпчилик қизларга айтгансиз!
— Демак, сени навбатинг экан!

Врач:
— Агар ароқ ичмасангиз, умрингизни анча узайтирасиз!
Бемор:
— Тўғри айтасиз доктор! 1 ҳафта ичмагандим, 1 йилдек туюлди.

Бир кун рақамлар баҳслашиб қолишибди.
— Мен азалдан бахтсизлик олиб келганман. Мендан ҳамма қўрқади, - дебди 13 рақами.
— Мен келган йилимда вабо тарқалган. Мен омадсиз йил бўлганман, - дебди 1872 рақами.
— Мен эса чечак касаллиги билан келиб, кўпчиликни ёстиғини қуритганман, - дебди 1901 рақами.
Бир пайт ўртага 2020 рақами чиқибди. Ҳамма жим бўлиб қолибди.
— Қайси бирини айтай?! - дебди у.