Бир аёл 4 ёшли ўғилчаси билан кўчада бораётган экан, чиройли дугонасини учратиб қолибди. Дугонаси билан кўришиб, ўғлига:
— Ўғлим, холангни ўпиб қўй! - деса, болакай:
— Йўқ, урадилар! - дебди.
— Нега унақа деяпсан ўғлим? - дебди онаси.
— Адам ўпганларида бу хола урганлар, - дермиш.
Аёл киши бошқариб кетаётган машинани ЙПҲ ходими тўхтатиб:
— Ҳурматли ҳайдовчи, узоқдан қараб турибман аниқ 80! – деса, аёл:
— Йўқ! Нималар деяпсиз?! 80 да эмасман. Шунчаки, кўйлагим қари кўрсатяпти, - дермиш.
Сўнгги хабарлардан бири:
Аниқлашларича, ҳамма диназаврларни кўриниши бир хил бўлган. Фақат ҳамма археологлар суякларни ҳар хил қилиб йиғган эканлар.
Эрнинг 8 март куни аёлига айтаётган сўзларига:
Хоҳлайсанми? Сенга ойни совға қиламан! Истасанг юлдузларни, қуёшни, сайёраларни, денгиз-у дарёларни совға қиламан!
Сўрайвер! Пул тўланмайдиган ҳамма нарсаларни сўрайвер!
Икки дўст суҳбати:
— Сени виждонинг тозами?
— Мутлақо тоза! Бирон мартта ишлатмаганман.
Қиз йигитига:
— Нега беҳаё сайтда ўтирибсиз?
Йигит:
— Нима деяпсан? Бу сени инстаграминг-ку!
— Ўқитувчи халқи жуда-ям содда, нима десанг ўшанга кўнаверади. Ишонмасанг синаб кўрамиз, - дейишибди.
Бир куни ҳамма ўқитувчиларни йиғиб:
— Бугун соат 14:00да сизларни дорга осамиз. Келиш мажбурий! - дейишибди.
Айтилган вақтга етиб келган ўқитувчилар бирортаси ҳам индамасмиш.
— Ана кўрдингми, буларга барибир. Биттаси ҳам қарши чиқмайди. Нима десанг ҳам кўнаверади. Чопиққа ҳам, қурилишга ҳам, далага ҳам, кўча тозалашга ҳам йўқ демай кетаверади. Қара ҳеч бири индамаяпти, -деб туришса, битта ўқитувчи аста қўл кўтарибди.
— Ҳайрият! Ана бор экан-ку, ўз ҳуқуқини биладигани. Қани, марҳамат гапиринг! - дейишса, қўл кўтарган ўқитувчи:
— Бир нимани сўрасам бўладими? – дебди.
— Сўранг, эшитаман.
— Осиш учун ипни ўзларинг берасизларми ёки ўзимиз билан олиб келайликми? - дермиш.
Бир қиз дугонасига:
— Бу кўйлак қоматингга ярашмайди. Сен тўлачадан келгансан! – деса, дугонаси ҳафа бўлиб:
— Шуни юзимга айтишинг шартмиди?! – дебди.
Қиз бўлса:
— Вой узр! Сени бундан хабаринг йўқмиди? – дермиш.
Битта бола дўконга кириб:
— 1200 сўмлик нон борми? – дебди.
— Бор, - дейишса, бола:
— Нечи пул? – деган экан.
Мотоцикл устасига мижоз келиб дебди:
— Шу мотоциклимни тузатиб беринг.
— Хўш, нима касали бор? – сўрабди уста.
— Эрталаб 15 марта тепиб ўт олдираман. Мотоцикл дегани 1 та тепса ёниш керак-к?! – дебди мижоз.
— Ҳа, унда кечқурун 14 марта тепиб ётинг. Эрталаб 1 та тепиб ҳайдаб кетаверасиз, - дермиш уста.