Дода латифалар

Афанди поездда рус одам билан кетаётган экан. Бир пайт рус киши афандига топишмоқ айтишни таклиф қилибди. Тополмаса, 25 минг беришини айтибди. Афанди рози бўлиб, гап бошлабди.
— Под сталом болтаетса, на букву "Б" начинается, - дебди.
Рус роса уриниб тополмай, 25 мингни бериб, — Жавоби нима? - деса, афанди:
— Ботинка, - дебди ва иккинчи топишмоқни бошлабди:
— Под сталом болтаетса, на букву Е начинается, - дебди.
Рус узоқ ўйланиб, яна 25 мингни бериб, жавобини сўраса, афанди:
— Ещё одна ботинка, - дермиш..

Бир йигит пивохонага кириб бир бокал пиво ичиб:
— Қанча беришим керак? - деса, бармен:
— Уч юз, - дебди.
Ҳалиги йигит чўнтагидан бир ҳовуч танга чиқариб, уч юзини санаб, растани устига сочиб ташлаб, чиқиб кетибди.
Бармен ҳайрон қолаверибди. Эртасига ўша йигит яна келиб бир бокал пиво ичиб, дебди:
— Пиво ҳалиям уч юзми?
— Ҳа, уч юз!
Йигит чўнтагига қараб:
— Майда йўқ экан. Мана беш юз! Икки юз қайтимини бер! - деб битта беш юзталик берибди. Бармен ҳам кечаги қасдини олмоқчи бўлиб, икки юз тийинни полга сочиб:
— Ана қайтими, териб ол! - дебди.
Йигит бир барменга, бир полда сочилиб ётган тийинларга қараб, чўнтагидан юз сўмлик тийин чиқариб, растани устига сочиб ташлабди-да:
— Менга яна бир бокал пиво, - дермиш.

— Кеча Media Park га ишга кириш учун синовдан ўтдим.
— Хўш қалай бўлди?
— Раҳбар менга ноутбук бериб, — Шуни менга қиммат нархда сота олсанг, сени ишга оламан, - деди.
— Сен нима қилдинг?
— Ноутбукни олиб, уйга жўнавордим. Кечқурун қўнғироқ қилиб:
— Ноутбукни қайтар аблаҳ, - деганди, — Беш миллион бўлади!, - дедим.

Бир корхона раҳбарини туғилган куни бўлаётган экан. Ҳамма қўл остидагилар:
— Табриклаймиз хўжайин! Узоқ умр, бахт-омад тилаймиз! Яна узоқ йиллар бизга раҳбарлик қилинг!, - деяверишибди.
Базм охирида хўжайин дуога қўл очиб:
— Ҳамма менга ичида, қалбида нима ниятлар тилаган бўлса, ўзига ҳам йўлдош бўлсин!, - деб дуо қилса, меҳмонлар дуо қилмасмуш ...

Бир йигит такси тўхтатиб турган экан. Матиз, Жигули келиб тўхтаса, ўтирмабди. Охири Кобальт тўхтаган экан ўтирибди-да, ҳайдовчидан сўрабди:
— Исминг нима?
— Азамат.
— Сендан бир илтимосим бор Азамат. Ҳозир яхши кўрган қизимни ёнига кетяпман. Уни олдига борганда, "Менга рухсатми хўжайин?" дейсан. Мен "Ҳа" дейман. Кейин бензинга пул сўрайсан, мен сенга беш минг бераман. Шу билан орамиз очиқ, - дебди.
— Ҳайдовчи ҳам рози бўлибди.
Қизни ёнига етиб боришибди. Йигит қиз билан кўришиб турса, келишилганидек ҳайдовчи — Менга рухсатми хўжайин?, - дебди.
— Ҳа рухсат. Бўшсан, - дебди йигит.
Шунда ҳайдовчи:
— Хўжайин машинамиздан шовқин чиқяпти. Юз минг беринг, устага кўрсатиб келай!, - дермиш.

Афaнди урушгa кeтaётгaн экaн, кaмонини олибди-ю, ўқини олмaбди. Буни кўрганлар:
— Ўқ олмaйсизми?, - дeйишса
Aфанди:
— Ўқи душмaн томондaн кeлиб қолар..., -дeрмиш.

Бир қиз ажойиб йигит билан танишиб қолибди. Йигит билан ҳар куни учрашиб, бирор жойга боришгач, қизни уйга олиб келиб қўяркан-да, — Тўхтанг. Шошмай туринг!, - деб машинасидан тушиб, қизга эшикни очиб бераркан. Қиз дугоналарига мақтаниб:
— Ҳали бунақа олийжаноб йигитни учратмагандим, - дебди.
Йигит эса ярим йилдан бери машинасининг эшигини ичкаридан ҳам очилиши учун устахонага олиб боролмаётган экан...

Эр хотинига деди:
— Арзанда ўғлинг яна ҳамёнимдан пулларимни ўмарибди!
— Нега энди у бўларкан? Балки мен олгандирман ...
— Йўқ, сен эмас! Ҳамёнимда пулларимни ярми қолиб кетибди.

Бир йигит қўшнисидан:
— Туғилган кунинг қачон?, - деб сўрабди.
— Май ойида. Нега сўраяпсан?
— Сенга парда совға қилмоқчиман. Деразангга осиб қўясан. Хотининг уйда нуқул очиқ-сочиқ кийиниб юради.
— Мен эса сени туғилган кунингга бинокль совға қиламан. Кўрган аёлинг, ким эканини кузатишинг учун...

Ишдан хурсанд бўлиб қайтган эридан хотини сўрабди:
— Нега бугун хурсандсиз?
— Мени ишдан бўшатишди, - дебди эр.
— Ахир буни нимасига хурсанд бўляпсиз?
— Қолганларни қамашди-да хотин..., - дермиш эри.