Дода латифалар

Ёш болакай кўчада хафа бўлиб ўтирса, бир отахон уни кўриб тўхтабди-да сўрабди:
— Нега хафасан болам?
— Уйда ойим билан адам жанжаллашишяпти. Адам ойимни “Сен филсан!” деса, ойим адамга “Маймун” деб бақиряпти. Ота-онам фил ва маймун бўлишса, мен унда кимман? – деган экан болакай.

Ўқитувчи ўқувчисидан сўраяпти:
— Қобилов, нега кеча жисмоний тарбия дарсида йўқ эдинг?
— Оёғим оғриганди...
— Бугун оғримаяптими?
— Бугун жисмоний тарбия дарси йўқ-ку!?

Ишхонада мажлис. Бошлиқ:
— Бугун жума. Бу кичкина шанба дегани. Ишламаймиз. Кечки пайт ўтириш!
Эртага шанба – ўтиришни давомини қиламиз!
Якшанба куни бош оғриғига давом эттирамиз!
Душанба – ишхонада бош оғриғига оламиз ва уйга кетамиз!
Сешанба – ичмаймиз. Лекин бундай дам олишлардан кейин ишлаш ҳам нотўғри бўлади!
Чоршанба – ишга чиқамиз ва жон бериб ишлаймиз!
Пайшанба куни жума кунига тайёрланамиз ва ишламаймиз!
Жума куни эса аввал айтганимдек – кичик шанба! Ҳаммага тушунарлими?
Залдан овоз эшитилди:
— Кечирасиз—ку, лекин шу чоршанба кунидаги ахмоқгарчилик қачон йўқ бўлади?

Кўп қаватли уйларнинг бирида эр-хотин ярим кечаси ухлаб ётса, эшик жиринглаб қолибди.
Шунда хотини эрини туртиб "Туринг, эрим келди!" деса, эри югуриб бориб балкондан сакраб юборибди.

Қиз йигитдан сўради:
— Азизим, мени севасизми?
Йигит:
— Ҳа! Ўзинг-чи?
— Мен ҳам ўзимни жуда севаман...

Бир эркак машинасини ҳадеб артиб, қучоқлаб, маъюс ҳолда машинани силаб қўярмуш
Буни қўшниси кўриб:
— Ҳа қўшни, машинани сотимоқчимисиз дейман?! - деса, ҳали эркак:
— Йўғ-е, хотиним ҳайдовчилик гувоҳномаси олди, - дермиш.

— Юр Дилдора, кинога борамиз.
— Кетдик!
— Йигитинг рашқ қилмайдими?
— Йўқ, уни эрим уриб, ўлдириб қўйган.

Бир бемор стоматологга келса, ичкаридан биттаси хурсанд чиқиб кетаётганмуш.
— Нега бунча хурсандсиз? - деса, ҳалиги одам тишини ушлаб:
— Худога шукур, врач йўқ экан, - дермуш.

Қиз онасига телефон қилиб:
— Ойижон, мени ўғирлаб кетишватти! - деса, онаси:
— Вой қизим, қанақа машинада? - сўрабди.
— Малибу, - деса:
— Бахтли бўл қизим! - дермиш онаси.

Ёш ҳамшира врач хонасига кириб:
— Чақирдингизми? - дебди.
— Ҳа. 5-палатадаги бемордан қон олдингизми? - сўрабди врач.
— Олдим. Атиги 3 литр чиқди, - дермиш.