Дода латифалар

Тўйда оналар рақс тушаётганда ўртакаш терминал кўтариб турганмиш.
Бу ҳолатни тушунмаганлар сўрашибди:
— Нимага терминал кўтариб турибсиз?
Шунда ўртакаш:
— Кимда агар қистиришга нақд пули бўлмаса, пластикда ҳам қабул қилаверамиз, - дермиш.

Меҳмонхонада дам олаётган киши навбатчига қўнғироқ қилибди:
— Мен хотиним билан хонада уришиб қолдик. У ўзини деразадан пастга ташламоқчи...
Навбатчи:
— Бу мутлақо шахсий масала! Бизга умуман алоқаси йўқ!
— Минг лаънат, алоқаси йўқ эмиш. Нимага хонани деразалари очилмаяпти ахир!?

Суд мажлисида судья жаноблари айбланувчига савол берибди:
— Хўш айбланувчи, сохта пуллар ишлаб чиқарганингизни тан оласизми?
— Йўқ, мен ҳеч қандай сохта пул ишлаб чиқармаганман!
Судья:
— Лекин сизни уйингиздан пул ясайдиган аппарат топилди-ку!
Айбланувчи:
— Жаноб судья, сиз одамни уриб, ўлдирганингизни тан оласизми?
Судья хайрон бўлиб:
— Қанақасига? Мен ҳеч кимни…
— Ана, столингизда болға турибди-ку!

— Сизни қўлингиздан ҳамма иш келадими?
— Бўлмасам-чи!?
— Яхши, ундай бўлса, тиш пастасини ҳаммасини чиқариб ташланг! Ҳаммаси чиқдими?
— Энди эса ҳаммасини қайтариб ичига солиб қўйинг-чи?!

Концерт пайтида аёл эрини туртиб дебди:
— Шоқосим ака қаранг, анави киши концерт пайтида ухлаб ўтирибди-я...
Эри:
— Шуни деб мени уйғотдингми?!

Бир қиз севган йигитига дебди:
— Жоним, қачон менга машина олиб берасиз?
Йигит ҳайрон бўлиб:
— Билишимча, супургида учар эдинглар. Машинага нима бор?! – дермиш.

Доим компьютер қаршисида ўтирадиган боланинг гапидан:
“Уйда чироқ ўчиб қолди. Оиламдагилар билан гаплашишга вақтим бўлди. Укам ўқишга кирибди. Синглим турмушга чиқиб кетибди. Ота-онам қариб қолишибди. Негадир бувим кўринмаяптилар?!”

Бир куни иккита қурт гаплашиб турса, битта қурт ҳадеб қимирлайверармиш.
Шунда шериги:
— Намунча қуртга ўхшаб қимирлайверасан? – деган экан.

Эр-хотин телевизор кўриб ўтирса, хотини:
— Вой, ойижон! – деб юборибди.
Эри бўлса:
— Ростан, ўхшар экан! – дермиш.

Доктор ёнига келган йигит дебди:
— Неча ойдан бери муолажа қиласиз. Ҳалигача бетобман.
Доктор:
— Сиз мутлақо соғломсиз. Фақат миянгизга “Мен соғломман, мен соғломман” деган фикрни сингдиришингиз керак! Шунда ҳаммаси жойида бўлади, – дебди.
Йигит доктор хонасидан чиқиб кетаётган экан, доктор:
— Муолажа пулларини тўламадингиз-ку ахир!? – деса, йигит:
— “Мен пул олдим, муолажа пулини олдим!” деган фикрни миянгизга сингдиринг. Шунда ҳаммаси жойида бўлади, - деган экан.