Дода латифалар

Latifa.uz сайтида энг кўп овоз олган латифалар рўйхати.
Бир шилқим ошнаси билан кетаётиб, отда сайр қилиб юрган бир гўзални учратиб қолди ва дўстига деди:
— Оҳ, шу гўзалнинг оти бўлиб қолсам ҳам майли эди!
— Сўраб кўрчи, балки эшакда сайр қилишга ҳам рози бўлар, таклиф қилди шериги.
#Ҳайвонот #Ёшлар #Дўстлар
223
Мактабларда ўқув йили онлайн тарзда тугашини эшитиб қолдим.
Энди синф ремонти учун пулни нима қилишади...?
#Пул-бойлик #Ўқиш-мактаб #Ўзбекона #Ҳақиқат-адолат
153
Ўқитувчи:
— Валижон, Ватан бу нима?
Вали:
— Ватан - бу ўрмонлар, далалар, боғлар....
Ўқитувчи:
— Йўқ сен адашдинг! Ватан - бу сенинг онанг. Қани энди, Анваржон, сен айт-чи, Ватан нима экан?
Анвар:
— Ватан Валининг онаси экан.
Ўқитувчи:
— Йўқ, сен ҳам адашдинг! Ватан сенинг ҳам онанг. Тушундингми?
Анвар:
— Ҳа, тушундим.
Ўқитувчи:
— Нимани тушундинг?
Анвар:
— Мен Вали билан ака-ука эканлигимни тушундим.
#Болалар #Ўқиш-мактаб
91
Бир киши психолог ёнига келиб дебди:
— Ҳаётимдан зерикдим. Ёрқин, қизиқарли воқеалар етишмайди!
— Сайёҳатга боринг, - дебди психолог.
— Ер шарини ярмини айланиб чиқдим. Бу ҳам майли вертолётда учиб, парошютдан сакрадим. Хуллас ҳамма нарса қилиб кўрдим. Бирор ўзгариш бўлишини хоҳлайман, - дебди киши.
— Унда, - дебди психолог, - иккинчи хотин олинг.
— Иккинчи хотиним ҳам бор, - дебди киши.
— Бу гапни энди биринчи хотинга айтинг. Ўшанда ҳаётингизда катта ўзгаришлар бўлади.
#Жанжал #Оила
107
Бир куни афанди уйида ўтирса, ёнидаги хонадан шовқин эшитилибди. Афанди милтиғини олиб хонага кирса, бурчакда қоп-қора нарса турганмиш. Милтиқ билан "пақ" этиб отибди. Қараса, ўзини чопони девордаги михда илиниб турган экан.
Шунда афанди "Э ҳайрият-ей, яхшиям ичида ўзим йўқ эканман", - дебди.
#Афанди #Калтафаҳмлар
123

1. Онангни отангга маскасиз кўрсатма!
2. Бошингга қилич келса ҳам маска тақ!
3. Келинни келганда кўр, маскасини ечганда кўр!
4. Дўст маска сўраганингда билинади!
5. Маска билан обод юзинг, гар бўлса у вайрона ҳам!
6. Бир ўзбекка ҳам маска керак, ҳам антисептик, деганларидек...
7. Маскага ишонма, маскасиз юрма!
8. Бугунги маскани эртага тақма!
9. Масканг халол бўлса, кўчада тақ!
10. Маскангни яширсанг, истимаси ошкор қилади!
11. Маскаси бўлмаса ҳам аптекачининг боласи гапирсин.
12. Оғзи қийшиқ бўлса ҳам маскаси бор гапирсин!
13. Масканинг 3 кун тақилгани ҳам маска...
14. Эр хотиннинг уруши, дока масканинг қуриши...
15. Маска сотсанг қўшнингга сот, у билан ўзинг гаплашасан...
16. Маскаси йўқ, маскаси эскига кулади.....
17. Эл оғзига маска тутиб бўлмас!
18. Маскаси борнинг маскаси йўқ билан нима иши бор?
19. Масканг кечаги бўлса ҳам тақиб ол!
20. Маскалар бор, маскаларнинг нақшидир, Маскалар бор, микроб ундан яхшидир!
21. Юзта маскасиз дўстдан битта маскали душман афзал!
22. Олтин олма, маска ол, маска олтин эмасми?
23. Маскасиз бирни енгар, маскали мингни!
24. Карантиндан кейин маскани ... тақ!
25. Маскали, сенга гапираман, маскасиз, сен эшит!

#Бошқалар #Ўзбекона #Саломатлик
97
Ҳозирги қизлар эшак минган йигитларни назар-писанд қилишмайди, лекин Мерседес миниб юрган эшакларни жуда ҳам севишади!
#Пул-бойлик #Ёшлар
247
— Айтинглар-чи болалар, олмани дарахтдан қачон узамиз?
— Боғбон ухлаганда ва ити боғлаб қўйилганида.
#Болалар #Ўзбекона #Ҳақиқат-адолат
117
Миллионер қария бетоб бўлиб қолса, ҳамма қариндошлари йиғилиб олибди.
— Айтинг доктор, умид қилсак бўладими? - дейишса, доктор:
— Умид қилманглар! Бу оддий шамоллаш, ўтиб кетади, - дермиш.
#Пул-бойлик #Шифокорлар #Қариялар #Беморлар #Саломатлик
93
— Яхши қиз, нимага мен сизни авваллари кўрмаганман?!
— Билмадим. Балки сизни худо асрагандир...
#Аёллар #Ёшлар #Севишганлар
93
Бош саҳифаДодалариҚидиришРукнларҚўшиш