Дода латифалар

Бой ота ўғлини институтдаги имтиҳонларни топшириб олиши учун ўқитувчилар билан "келишиб" қўйибди.
— Ўғлимни билими сал пастроқ. Сиздан илтимос, осонроқ савол берсангиз...
Ўқитувчи рози бўлибди. Имтиҳон бошланибди. Навбат бойнинг ўғлига келибди.
— Сизга осон савол бераман. Абдулла Ориповнинг "Ўзбекистон" шеърини ким ёзган? - дебди ўқитувчи.
Ҳалиги йигит ўйланиб туриб:
— Шукур Бурхонов, – дермиш.

Янги йилга икки кун қолганда раҳбар офисга кириб келибди:
— Ассалому алайкум, ўртоқ бошлиқ!
— Салом. Сен янги келганлардансан-а?
— Ҳа, шундай!
— Топишмоқ айтаман топ! "Ким ичмайди, чекмайди. Янги йилда навбатчиликда қолади!"
— ...

Китоб сотувчи харидорлардан бирига «Кулгили ҳикоялар» китобини узатиб:
— Шу китобни олинг, жуда қизиқ, кулавериб ўласиз,— деди.
— Ўзингиз бу китобни ўқиганмисиз?—сўради харидор.
Уларнинг гапига қулоқ солиб турган Афанди китоб сотувчига ишора қилиб:
— Ўқиган бўлса тирик қолармиди,— деди.

80 ёшдан ошган отахон танишига дебди:
— Ёшим ҳам бир жойга бориб қолди-ю, жуда ҳаётга интилишим катта. Узоқроқ умр кўргим, бир нималар қилгим келади. Нима қилсам экан-а?
Таниши отахонга дебди:
— Банкдан кредит олинг, уни ойма-ой тўланг, болаларни контрактини тўланг! Ўшанда ўз-ўзидан бу ҳиссиётларингиз йўқолади...

Иккита оғайни ўртоғини уйига меҳмонга келибди. Битта йигит дарвозани оёғи билан тепиб дўстини чақирибди.
Ёнидаги йигит:
— Нега дарвозани тепдинг? - деса, йигит:
— Шундай қилсам, қўли банд экан, қуруқ қўл билан келмаган деб ўйлайди-да кейин дарвозани очади, - дебди.

Тўйларига бир ҳафта қолганда қиз бўлажак турмуш ўртоғига дебди:
— Сизга гуноҳларимни очиқ-ойдин гапириб бермоқчиман.
Йигит ҳайрон бўлиб:
— Ахир 3 кун олдин ҳамма гуноҳларингни айтиб бергандинг-ку?! - деса, қиз:
— Янгилари бор! - дебди.

— Дўстим, нега кўзинг кўкарган?
— Кеча хотиним пиширган овқатни мақтайман деб, “Онаси, овқатинг мазали эмас, ... жудаям мазали чиқибди” демоқчи эдим. Гапимни охиригача айтишга улгурмадим...

Хотини:
— Мен аёлман! Кир ювиш машинаси эмас!
Эри:
— Йўғ-е, буни қара-я! Мен ҳам одамман, банкомат эмасман!