Дода латифалар

— Сарвар, сен катта бўлганингда ким бўлмоқчисан?
— Савдогар бўламан устоз!
— Нима учун инженер ёки ўқитувчи эмас?
— Инженер билан ўқитувчини иномарка машина ҳайдаганини ҳеч кўрганмисиз???

Отаси адвокат, онаси суд-тиббий эксперт ходими бўлиб ишлайдиган болакай ҳадеб жиринглайверган телефон гўшагини кўтариб:
— Алло? – деса, гўшакни у томонидан нотаниш овоз:
— Уйда катталардан кимдир борми? – дебди.
Болакай:
— Адам қамоқхонада, онам эса моргда, - дермиш.

Эр:
— Хотин, сени борингга шукур қиламан.
Хотин:
— Сабабини айтинг!
Эр:
— Сабаби, шу сен бўлмаганингда маҳаллада мени ҳеч ким яхши танимасди...

Қайси миллат чидамли эканини синаш учун олимлар музлатгичдан фойдаланишибди.
Англия фуқароларидан иккитаси музлатгич ичида 2 соат ўтира олибди.
Навбатдаги шведлар 4 соатга чидабди.
Охири руслар кириб келишибди. Музлатгични очиб кириб кетган руслардан 3 кунда ҳам хабар бўлмабди.
Охири олимлар музлатгични эшигини очиб:
— Яхшимисизлар? Совуқ эмасми? – дейишса, руслар:
— Эшикни ёпинг! Ташқаридан ёмон совуқ киряпти, - дермиш.

Бир киши ўрмонда адашиб қолибди. Юриб-юриб, ўрмоннинг ўртасига келиб қолибди. Олдидан товуқ оёқли кулба чиқибди. “Шу уйда аниқ ялмоғиз яшайди” дебди ўзига-ўзи. Бориб таққиллатса, ҳуснда тенгсиз гўзал қиз эшикни очибди.
— Ие, ахир бу уйда ялмоғиз яшаши керак эмасми?! – дебди ҳалиги киши.
Гўзал қиз бўлса:
— Менман ўша ялмоғиз! Пардоз қилиб олган вақтимда келдинг, - дермиш.

Сув остида узоқ вақт туриб бўйича халқаро мусобақа ўтказилибди.
Америкалик спортчи сув остида 5 дақиқа турибди. “Мувафаққиятимнинг сири доимий машғулотларда!” деб мақтанибди.
2-бўлиб япониялик спортчи сув остига кириб кетиб, 10 дақиқада чиқибди. “Бунчалик узоқ сув остида қолишимнинг сабаби ақлим ва қобилиятимда!” деб интервью берибди.
3-навбат ўзбек спортчисига берилибди. Ўзбек спортчи сувга калла ташлаган экан ҳамма санай бошлабди. 5 дақиқа, 10 дақиқа, 15 дақиқа, ... 30 дақиқа деганда чиқиб келибди. Журналистлар югуриб келиб сўрашибди:
— Қандай қилиб...? Қанақасига...? Бунчалик узоқ тура оласиз деб ҳеч ким ўйламаган эди... – дейишса, ўзбекистонлик спортчи:
— Ўзим ҳам ўйламагандим. Сув тагида кийимим бир нимага илиниб қолмаганда аллақачон чиқардим, - деган экан.

Институтда ўқитувчи талабага қараб:
— Дарсга яна тайёрмасмиз денг!
— Ҳа, домлажон...
— Кечаси билан телевизор кўриб чиққанмиз демак...
— Шунақа...
— Институтга ҳам ҳурмат йўқ денг!
— ...
— Давлатни пулини еб ётибмиз денг!
— Узр домлажон. Мени сизни билмадим-у, мени ҳали ота-онам боқяпти...

Афанди бир куни балиқ овига чиқибди. Бирданига ёмғир ёғиб, шамол кўтарилибди. Шунда Афанди балиқ турини устига ёпиб олиб, бамоқларини тўрнинг тешигидан чиқариб:
— Вой, ташқари мунча совуқ, - дермиш.

— Хотин, рақсга тушма!
— Нега адаси?!
— Қўлларингни тушир! Ўйнама дедим сенга!
— Зўр ашула экан!
— Рулни ушла!!! Қаёққа ҳайдаяпсан???

Институт ҳовлисида бир талаба имтиҳонга кеч қолаётган дўстини кутиб турибди. Бир пайт унга қўнғироқ қилиб дебди:
— Алло, ўртоқ қаердасан?
— Мана-мана, институт дарвозасидан кириб келяпман...
— Уйингдан флешкани олиш ёдингдан чиқмадими ишқилиб?!
— Вой дўстим, яхши-ям эслатдинг. Ҳозир оволаман.