Дода латифалар

Бир киши ҳайвонот боғига ишга кириш учун келибди.
Ҳайвонот боғи раҳбари ҳалиги кишининг меҳнат дафтарчасини кўриб чиқиб сўрабди:
— Нега бунчалик тез-тез иш жойингизни алмаштиргансиз?
— Мен жуда-ям секин ҳаракат қиламан, секин ишлайман, ҳеч нарсага улгурмайман. Шунинг учун ишдан бўшатиб юборишади, - дебди.
Раҳбар:
— Ундай бўлса, сизни тошбақаларга қараш учун ишга оламиз, - дебди.
Эрталаб ҳайвонот боғи ходимлари ишга келишса, тошбақанинг қафаси очиқ, ичида ҳеч нарса йўқ эмиш.
Бундан хабар топган раҳбар ҳалиги кишини ёнига чақириб:
— Бу нимаси? Тошбақалар қаёққа кетди?! – деса, у киши:
— Мен қафасни очишимни биламан, тошбақалар шунақа тез қочиб қолишди-ки, эшикни ёпишга улгурмадим ҳатто!

Болға билан болта бардан қочиб чиқаётишса, олдиларидан арра чиқиб қолибди.
— Нимадан қочяпсизлар? – дебди арра.
— Ичкарида сварка маст бўлиб, тўпалон қиляпти, - дермуш болға билан болта.

Лотин алифбосида ўқишни билмайдиган бир йигит дўконга келиб сўрабди:
— Анави Соса сола қанча туради?
Сотувчи:
— У Соса сола эмас, Кока кола, - деб жаҳл билан гапирса, йигит:
— Узр, билмабман. Ёнида турган Ғанта қанча? – дермиш.

Бир йигит йўлда кетаётиб, чиройли қизни учратиб қолибди.
— Яхши қиз, гугуртингиз борми? – деса, қиз:
— Йўқ, мен носга ўтганман, - деган экан.

Иккита қозоқ Россияда таксига ўтириб бир-бирига дебди:
— Таксистнинг рожасе страшний экен.
Шу пайт ҳайдовчи ўгирилиб:
— Вам что, моё лицо не нравится? – дебди.
Қозоқлар ҳайрон бўлиб:
— Вы что казахсий язык знаете? –дермиш.

Фермада сигирларни эркак фермер соғса, хўкизни рашки келар эмуш...

Бир куни афанди кабобхонани ёнидан ўта туриб, кабобдан чиқаётган тутун ҳидини ҳидлабди. Зиқна кабобпаз “Сени бир боплай!” деб афандини тўхтатиб, унга дўқ урибди:
— Кабобдан чиқаётган тутунни ҳидлаганинг учун пул тўла! – деса, уддабурон афанди чўнтагидан тангаларини чиқарибди-да, “жаранглатиб-жаранглатиб” яна чўнтагига солиб йўлида кетаверган экан.

Эр хотинига бақирди:
— Тамом, сен билан ажрашаман! Менга хиёнат қилдинг!
— Нега менга бақирасиз? Сизга хиёнат қилмадим! Кеча эътиборингиз учун дугонам Адолатникида тунаганман, тузукми!?
— Ёлғон гапирма, ожиза! Адолатникида кеча мен тунадим, сени у ерда кўрганим йўқ!

Бир йигитга кўчада майда пул зарур бўлиб қолибди.
Чўнтагига қўл солса, 50 минг сўмлик чиқибди. Атрофда ҳеч ким йўқ, фақат йўл четида ГАИ ходими турган экан.
— Кечирасиз, шуни майдалаб бера олмайсизми?! - дебди йигит пулни узатиб.
ГАИ ходими пулга қараб туриб:
— Узр, ўзи ҳозиргина постга турдим. Ҳали пул йўқ, - дермиш.

Хотини касал эр ёнида ўтириб, ҳамдардлик билдиряпти:
— Хотин, сен касал бўлгунча мен бўлмайманми? Азроил мени жонимни олса ҳам майли эди, - деб турса, шу пайт азроил кириб келиб қолибди. Афанди шоша-пиша:
— Ассалому алайкум! Азроил ҳазратлари, ким касал, ким соғ ўзингиз кўриб турибсиз, - дермиш.