Ўқитувчи ўқувчидан сўрабди:
— Шекспир нечанчи йилда туғилган?
— 1564 йилда.
— 1565 йилда эса нима бўлган?
— Шекспир 1 ёшга тўлган.
Икки ўртоқ ароқ ичиб, кўзи қизариб кетибди.
— Энди қанақа қилиб кетамиз? Йўлда ГАИ тўхтатса, кўзимизни ичи қизариб кетган...?! - дебди биринчиси.
Ўртоғи ўйланиб туриб дебди:
— Машинани сен ҳайдайсан. ГАИ тўхтатса, "Кўзимга пашша кириб кетди. Шунга қизариб қолди" дегин, - деб ўргатибди.
Озгина юришса ҳамки, ГАИ тўхтатибди. Йигитга ГАИ тикилиб қараб:
— Нима, кўзингизга пашша кириб кетдими? - деса, йигит шошиб қолиб:
— Йўқ, ичгандим, - дермиш.
Алкашларда 250+250=500 эмас, 1 та бутун бўлади.
Афанди ўчоққа ўт ёқишга жуда кўп уринибди. Ҳеч ёқа олмабди.
Уйга кириб хотинининг рўмолини ўраб чиқибди-да, ўчоққа қараб "Пуф" деган экан, аланга олиб кетибди.
Шунда оловга қараб:
— Ҳа қўрқмас экансан-ааа, - дермиш.
Нимага куёвларга 40 килограмлик қопни кўтаришда муаммо бўлади-ю, 50 килограмлик келинни кўтариш муаммо эмас?!
— Доктор, менга кўнгил айнитадиган дори ёзиб берсангиз...!
— Телевизорни ёқинг, айниб кетади.
Бир куни ўзбек билан рус суҳбатлашиб қолишибди:
— Айт-чи, 10та 100 грамм қанча булади? - сўрабди ўзбек.
— 1 литр бўлади, - дебди рус.
— Ана кўрдингми!? Ҳаммада 1 килограмм бўлади. Фақатгина сизларда 1 литр бўлади, - дермиш ўзбек.
— Ўйлаб қарасам, умримнинг ярмида ўтириб чиқибман.
— Қамоқдами?
— Йўқ. Телефонни титкилаб.
Қизни уйига совчилар келиб, йигитни мақтай бошлашибди:
— Ўғлимиз ичмайди, чекмайди, қизлар билан-ку умуман гаплашмайди...
Қизнинг онаси:
— Соғлиғи жойидами ишқилиб???
Қизлар ётоқхонасига келган йигитдан қоровул сўрабди:
— Сиз кимни олдига?
Йигит жавоб берибди:
— Кимни тавсия қилган бўлардингиз???