Дода латифалар

Ўн ёшли бола отасидан сўрабди:
— Ада, нега бу колбасани номи "Докторский"? Нима, уни фақат докторлар ейдими?
Отаси:
— Йўқ ўғлим! Бу колбасани еб бўлгач, тўғри докторга боравериш кераклигини билдиради...

Судья:
— Гувоҳ! Айтингчи, 2015 йил 11 ноябрь куни соат 12 дан 43 дақиқа ўтганда қаерда эдингиз?
Гувоҳ:
— Албатта уйимда, бир қўлимда соат ва иккинчи қўлимда тақвимни ушлаб ўтиргандим.

— Қизим, сенга жуда кўп жойдан совчилар келишди. Энди турмушга чиқмасанг бўлмайди, - дебди отаси.
Қизи адасига:
— Турмушга чиқгим келмайди. Чунки онамни соғинаман, - деса
— Онангни ҳам ўзинг билан олиб кетишинг мумкин, - деган экан отаси.

Бир талаба бозорда ҳушидан кетиб қолибди. Шунда одамлар:
— Сув олиб келинг, - деб бақиришса, талаба ҳушига келиб:
— Нон эсдан чиқмасин дермиш.

— Дада, нимага ойимга уйлангансиз?
Дадаси ойиси томон ўгирилиб:
— Кўрдингми? Болаям ҳайрон..

— Сиз жудаям жозибалисиз.
— Афсус, сиз ҳақингизда бундай дея олмайман.
— Унда менга ўхшаб алданг.

Талаба қанча ночор яшаса ҳам, домлаларни боқишга қурби етади...

Жиннилар жиннихона деворидан қочмоқчи бўлиб росса девордан сакрашни машқ қилишибди. Қочиш учун бир кунни режа қилишибди. Ўша кун келганда, тундан тонгача ёққан ёмғир деворни ағдариб юборибди.
Тонгда бир жинни ташқарига чиқибди ва ҳафа бўлиб қайтиб кириб шерикларига:
— Режамиз барбод бўлди. Қоча олмаймиз, девор ағдарилиб кетибди.

Она-тили дарсида ўқитувчи охирги партада саримсоқ еб ўтирган боладан:
— "Овчи милтиқ ўқлади" - деган гапни келаси замон феълини топчи, - деса.
Ҳалиги бола:
— Гумбуррр-гуммбууррр, - дермиш.

— Ойи, кўчага чиқиб ўйнасам, майлими?
— Шу кир қулоқларинг биланми?
— Йўқ, ўртоқларим билан.