Дода латифалар

Эр-хотин уришиб қолибди. Иккаласи ҳам ҳечам гаплашмас экан. Бир куни эри вақтлироқ ишга кетиши керак экан, ётишдан олдин, қоғозга "Эрталаб соат 7:00 да уйғот!", деб ёзиб хотинининг ёстиғи тагига қўйибди. Эр эрталаб уйғонса соат 9:00 бўлганмиш. Жаҳли чиққан эр дарғазаб бўлиб, ўзини ёстиғини кўтарса, бир парча қоғоз, қоғозда эса "Туринг, соат 7:00 бўлди!", деб ёзилган экан.

— Кеча кайфинг ошиб қолди, ўртоқ...
— Ҳа, нималар деб бақирдим ўзи? Эслай олмаяпман!
— "Ташқарига чиқмоқчиман, менга эшикни олиб келинг!" деб официантга росса ўдағайладинг...

Талабалар ётоқхонаси. Тонг.
— Вой белим, ёмон оғрияпти!
— Кечаси билан ҳуррак отганингдан кейин оғрийди-да!
— Кечаси билан яна мени тепиб чиқдинг-ми...?

40 дан 80 гача бўлган исталган жуфт сонни танланг. Уни 3 га кўпайтиринг. Кейин ундан 11 сонини айиринг, сўнг 17 ни қўшинг ва 2 га бўлинг. Энди кўзларингизни юминг. Қоп-қоронғу, шундай эмасми?

Милицияга бир эркак қўнғироқ қиляпти:
— Алло, милиция, хотиним йўқолиб қолди!
— Тинчланинг, қаерга кетган эди хотинингиз?
— Дўконга деб чиқиб кетганди...
— Хотинингизни белгилари: Бўйи? Соч ранги?
— Билмайман, бўйини ўлчаб кўрмагандим. Сочини рангини ҳар ҳафта алмаштириб туради. Охиргиси ёдимда йўқ!
— Кўзини ранги-чи?
— Ҳечам аҳамият бермаганман.
— Қандай кийимда эди?
— Билмайман ...
— Машинада кетганмиди?
— Ҳа, ҳа. Машинада!!! Ласетти. Ранги оқ, 2015 йил, автомат коробка, ўриндиқлар чармдан, галоген чироқли, қишки шиналар ўрнатилган, салонга монитор ҳам ўрнатиб берган эдим, - деб йиғлаб юборибди.
— Ҳавотир олманг, машинангизни албатта топиб берамиз!

Тадбиркорликни бошламоқчи бўлган йигит суҳбатдан ўтмоқда.
Ҳуқуқшунос:
— Дўстим, сиз ҳамиша қонунларга таяниб иш қиласизми?
Йигит:
— Албатта! Масалан, мен Аҳмадбойга пул берганлар рўйхатида йўқман.

— Холажон, менга берган совғангиз учун раҳмат.
— Арзимайди.
— Арзимаслиги тўғрику-я, ойим шундай деб айт дедилар-да.

— Нималарни ўйлаб турибсан?
— Ҳар бир хитойлик менга юз сўмдан берса яхши бўларди...

— Кеча ўғлим газетадаги расм устига икки мартта босиб катталаштиришга уриняпти.
Кўриб ақлдан озай дедим...

Тунги қоровул раҳбарга қараб:
— Хўжайин, мен икки кунлик навбатчилигимни ишлаб бўлдим, - дебди.
— Қандай қилиб, - ҳайрон бўлиб сўрабди бошлиқ.
— Бугун тунда ухлаб қолибман, ҳеч ким уйғотмабди-ям..., - дермиш қоровул.