Дода латифалар

Икки дугона суҳбатлашмоқда:
— Эрим кеча менга: Сен ҳеч ҳам семиз эмассан, сенинг форманг идеал, - деди.
— Тўғри-да, ахир у математик-ку! Унинг учун энг идеал форма бу шар.

Янги ўзбек трамвайга чиқиб ҳайдовчига:
— Амир Темур маҳалласига, - дебди.
Ҳайдовчи:
— Aка, бу таксимас! - деса, ҳалиги одам чўнтагидан бир талай пул чиқариб берибди.
Шунда ҳайдовчи шерикларини чақириб, рельсларни қўйиб, трамвайда Амир Темур маҳалласига борибди.
Янги ўзбек, - Раҳмат, - деб тушаётганда, ҳайдовчи сўрабди:
— Aка, пулингиз бор экан, уйингиз ҳам қасрдай экан. Нимага бу кўчаларингиз расво, ҳамма ёқ ковланган, - дебди.
Шунда янги ўзбек:
— Ҳа ука, бу чуқурларга эътибор берма! Кеча уйга метрода келгандим, - дермиш.

Бир киши поездга қўйни судраб чиқаётса, проводник сўрабди:
— Бу қўйни қаёққа судраб кетяпсиз?
Ҳалиги одам жавоб берибди:
— Қўй Тошкентда ўқийди! Бу-пора...

Икки футбол муҳлиси ресторанга кириб, ичишиб, маст бўлиб қолибди-да, тортишиб кетишибди. Биринчиси ўрнидан туриб дебди:
— Месси дунёдаги энг кучли футболчи. Энг тезкор техникали. Бир ўзи ҳаммани алдаб ўтади.
Иккинчиси ўйланиб ўтириб:
— Роналдога ўхшайди деб қўяқол, - дермиш.

Янги кўйлак кийган хотин эридан сўрабди:
— Бу кўйлак мени семиз кўрсатмаяптими?
Эри:
— Тўғрисини айтсам, хафа бўлмайсанми?
— Йўқ! Гапираверинг, - дебди хотини.
Эри:
— Юқори қаватда яшайдиган қўшни аёл менга жуда-ям ёқади-да!!!

Ота боласига деди:
— Юқори қаватда турадиган бола билан ўйнама, тарбияси яхши эмас.
— Менинг тарбиям яхшими?
— Албатта яхши-да.
— Ундай бўлса, ўша бола мен билан ўйнаса майлими?

Ҳарбий қисмга келган ёш аскар Шариповнинг отаси вафот этгани ҳақида хабар келибди. Офицерлар бу шумхабарни унга қандай етказиш ҳақида ўйлай бошлашибди. Тўғридан-тўғри айтай деса, аскар ҳали ёш. Ўзини бирон нима қилиб қўйиши мумкин. Охири командир яхши усул таклиф қилибди. Эрталабки йиғинда қисм командири буйруқ берибди:
— Отаси борлар 1 қадам олдинга "Шагом марш"!!! Шарипов сен қаёққа???

Суд жараёни кетмоқда. Судья айбланувчига савол берибди:
— Айбланувчи, исмингиз нима?
— Исмим Бегуноҳ! Шахсимни тасдиқловчи ҳужжатларнинг барчасида шундай!
— Бегуноҳмисиз???
— Ҳа жаноб! Адолатли ҳукмингиз учун раҳмат! Мен кетдим!

Телефон суҳбатининг "Олтин қоидаси":
"Гўшакни жойига қўйганингга ишонч хосил қилгач, ғийбатни бошла!"

Чол ёшликни эслайлик деб, кампирини севишганлар боғига олиб борибди. Гаплашиб туришса, боғ қоровули хизматчиси келиб:
— Жарима тўлайсиз! Аҳлоқсизлик учун! - дебди.
Шунда чол:
— Узр болам, биринчи марта кечира қол, - дебди.
Ҳалиги қоровул ўйланиб туриб:
— Майли сизни кечираман! Аммо, манави кампирни аввал ҳам кўп мартта огоҳлантирганман, - дебди.