Дода латифалар

Ишдан ғамгин қайтган эридан хотини сўрабди:
— Нима бўлди?
— Биласанми, бугун қанақа кун? – дебди эри.
— Йўқ, - ҳайрон бўлиб жавоб берибди хотин.
— Бундан 20 йил аввал, мактабда ўқиб юрган пайтларимиз... Иккаламиз отангни қимматбаҳо машинасини ҳайдаб кетиб, уриб олганмиз. Пачоқ бўлган машинасини кўрган отанг “ёки машинамни пулини ҳар ойда фалон сўмдан тўлаб борасан ёки шу қизимга уйланасан” дегандилар... – дебди эри.
Хотини яна тушунмай:
— Ҳўш, нима бўпти. Нега шу воқеани бугун эслаяпсиз? – деса, эри афсус билан:
— Агар ўшанда отангни биринчи шартига рози бўлганимда, бугун машинани пули тўлаб қутулган бўлардим! – дермиш.

Ўқитувчи сўраяпти:
— Ҳўш Асад, дўстинг сендан 5000 сўм пул олиб, 4000 сўмини сарфлади. Сенга неча пул қайтаради?
— Бир сўм ҳам қайтармайди, устоз!
— Ўтир жойингга, баҳоинг "икки"! Математикани умуман билмайсан!
— Йўқ устоз, сиз мени дўстларимни мутлақо билмас экансиз...

Жаҳли чиққан эр хотинига дебди:
— Нима учун бу уйда бўлаётган ишлардан мен охирги бўлиб хабар топаман?
Хотини:
— Тис-с секинроқ, боламизни уйғотиб юборасиз! – деса, эр:
— Қанақа бола? – дебди.

Кўчада 3 та бола баҳслашиб турган экан:
Биринчиси дебди:⠀
— Менинг поччам энг бой одам . Опамга 3 та уй, 2 та далаҳовли, 5 машина олиб берганлар-у, лекин опамни ўзлари билан олиб кетганлар.
Иккинчиси дебди: ⠀
— Менинг поччам ҳам миллиардер. Опамни олтин-у, зар билан безаганлар. Нима десалар бир зумда муҳайё қиладилар. Лекин тўғри, менинг ҳам опамни олиб кетганлар.
Учинчиси бўлса буларни ҳаммасини эшитиб дебди:⠀
— Менинг поччам бой эмаслар. Лекин поччам опамни олиб кетмаганлар. Аксинча, биз поччамни олиб келганмиз.

Аёлларни меҳмонга кетаётган вақтида "5 дақиқада тайёр бўламан" деган гапи эркакларни "5 дақиқада уйда бўламан" деган гапи билан бир хил.

— Беш йил учрашиб, севишиб юрганимиздан кейин у қиз менга "Дўст бўлиб қолайлик" деса бўладими... Тасаввур қиляпсизми ҳолатимни? Беш йил-а, беш йил!
— Битта шапалоқ солмадизми шу гапига?!
— Кечирасиз, сиз аниқ психологмисиз?

Бир миллионер йигитларни чақириб дебди:
— Орангиздан кимда-ким шу ҳовузга шўнғиб, нариги тарафдан соғ-омон чиқса, унга ярим бойлигим ва гўзал қизимни бераман. Фақат айтиб қўяй, ҳовуз тимсоҳларга тўла!
Шу пайт бир йигит ҳовузга тушиб, нариги тарафидан чиқибди.
Миллионер киши унга:
— Аввал бойлигимни кўрсатайми ёки қизимними? – деса, йигит унга:
— Олдин мени сувга итариб юборган аблаҳни кўрсатинг, - дермиш.

Отаси уни докторга олиб борибди. Доктор болага савол бера бошлабди:
— Исминг нима?
— …урод
Отаси:
— Исми Мурод. Бош ҳарфини гапиролмаяпти, - дебди.
Доктор:
— Болакай, аданг нима иш қилади? – деса,
отаси шоша-пиша:
— Шу саволингизга ўзим жавоб берақолай, замдеканман, - дермуш.