Дода латифалар

Банкни ўмаришга кирган ўғрини юзидан ниқоби ечилиб кетибди. Ўғри кассирни ёнига келиб:
— Мени юзимни эслаб қолдингми? - деса, қиз:
— Ҳа, - дебди.
Ўғри шу заҳоти кассирни отиб ташлабди.
— Яна ким мени юзимни эслаб қолди? - деса, одамлар орасидан овоз келибди:
— Банкомат ёнида турган қайнонам эслаб қолди.

Синф раҳбари ўқувчиларга:
— Эртага синф хонасини таъмирлашга 50 минг сўмдан олиб келинглар, - деса, ўқувчилар:
— Устоз, нега бунча қиммат? – дейишибди.
Шунда устози:
— 30 минг сўмни менга берасизлар, қолгани ўзингизга. Ота-онангизга 50 мингдан йиғдим деб айтаман, - дебди.
Ўқувчилар бир овоздан:
— Келишдик, устоз! – дейишибди.

3 та қизиқ бир факт бор:
1) Ҳеч бир одам чап кўзи билан ёзувни ўқий олмайди.
2) Буни ўқиган содда одам дарров шу ишни қилиб кўради.
3) Алданганини билиб кулиб қўяди.

Аввалига энага билан боғча опа айбдор. Кейин – тарбиячи. Ундан кейин – мактабда ўқитувчи айбдор. Кейин эса – ишхонада раҳбар! Сал кейин эса – хотин! Ҳаммасига айбдор ўшалар. Эркакларда ўзи ҳеч қачон айб бўлмаган деса ҳам бўлади...

Эр-хотин ва ўғли Самарқанд шаҳрини айланиб юришган экан. Ўғли онасидан сўрабди:
— Сиз қаерда туғилгансиз?
— Қўқонда.
— Ада сиз қаерда туғилгансиз?
— Қаршида.
— Мен-чи?
— Тошкентда.
— Қандай яхши-я! Уччаламиз учта жойда туғилиб, бир жойда учрашиб турибмиз.

Бир фирибгар бисотидан:

— Кечирасиз 1000$ бериб туринг!
"ОЛАСИЗ" фирмаси, "УХЛАДИНГИЗ" компанияси
Директор: Ухлатжонов Ўмаржон
Манзил: Сабр қил тумани, Тўғри тушун маҳалласи, Мани кутгин кўчаси, 6-кулба.
Телефон: Етти нол, тополмай ўл.
Факс: 007, ухлаб кетди.
e-mail: insofbersaolasan@mail.ru
сайт: www.insof.net

Ноутбукимни унутиб, гилам устида қолдирибман.
Қайнонам уни тарози деб ўйлаб устига чиқиб олса бўладими!?

Ўқитувчи:
— Валижон, кундалигингни ота-онангга кўрсатдингми?
Ўқувчи:
— Йўқ, устоз!
Ўқитувчи:
— Нега?
Ўқувчи:
— Ота-онамни саломатлиги мен учун жуда муҳим!

Онасини ёнига ўғли келиб дебди:
— Ойижон, 5 минг беринг.
— Йўқ. Пулни нима қиласан?! - дебди онаси жаҳли чиқиб.
— Берақолинг ойижон... - дебди яна ўғли.
— Йўқ дедим сенга! - дебди онаси.
— Агар 10 минг берсангиз, адам тўғрисида бир гап айтаман, - дебди болакай айёрлик билан.
Онаси дарров 10 мингни берибди.
— Айт, нима сир экан!
— Адамни ёнига бир аёл келди. Улар меҳмонхонамизга кириб узоқ гаплашишди, - дебди ўғли чўнтагига 10 мингни солиб, эшик ёнига яқинлашаркан.
— Нимани гаплашишди? - деб ўтакаси ёрилай деди аёлни.
— Ўғлингизни мактабда баҳолари пасайиб кетяпти деди у аёл, - деб кўчага югурибди болакай.