Дода латифалар

Шоколадни тақсимлаган акасидан норози бўлган ука:
— Нуқул шундай қиласиз, ўзингизга катта қисмини олиб, кичигини менга берасиз! – дебди.
Акаси эса:
— Ҳўш, мени ўрнимда бўлсанг, сен нима қилган бўлардинг? – деб, сўрабди.
Укаси:
— Кичигини ўзим олиб, катта қисмини сизга берар эдим! – деса,
Акаси:
— Бўлмаса нега минғирлайсан...? — мен ҳам шундай қилдим-ку...! – дермиш.

Мактабдан қайтган қизидан отаси сўрабди:
— Ҳўш қизим, мактабингда нима янгиликлар?
Қизи:
— Мактабимиз ёнидаги сомсахонада нархлар ошибди ада...

Ишга кириш учун суҳбатдан ўтаётган йигитдан:
— Аввал жуда яхши жойда ишлаган экансиз. Айтинг-чи, нега бўшагансиз? - деб сўрашса, йигит:
— Сиз ўзингиз айтинг-чи, аввалги ишчингиз нега бўшаб кетган?

Меҳмон мезбонга:
— Саҳийлигингиз шундан кўриниб турибди. Қаранг, пиёламни тўлдириб чой қуйибсиз!
— Бу сaҳийликмас. Шакар сололманг дедим!!!

Хотин эрига дебди:
— Адаси ҳайдовчилик гувоҳномасига ўқисам дегандим. Менга машина олиб берардингиз... Қариндошларникига борардик.
Эри:
— Сен машина ҳайдасанг, қариндошларни кўра олмаймизми деб қўрқаман, хотин...!

Бир эркак ҳуштори билан ресторанда ўтирса, ёнига битта одам келиб:
— Аёлингиз билан рақсга тушсам майлими?,- дебди.
— Йўқ, биз ҳали шароб ичмадик, - дебди бояги эркак.
— Кечирасиз, аёлингизни рақсга таклиф этсам майлими?, - дебди яна.
— Йўқ, биз ҳали овқатланмадик, - деб жавоб берибди.
Шунда аёл ўрнидан туриб:
— Нега ундан сўрайсиз? Ўзимдан сўранг!, - деса, иккала киши ҳам бараварига:
— Эркаклар гаплашаётганида сен жим тур!!!, - дермиш.

— Ё тавба, қайтар дунё дейишгани рост экан! , - дермиш стоматолог ҳамкасбига.
— Нима бўлди?
— Ўтган ҳафта менга жарима солган ДАН ходими бугун ўз оёқи билан ёнимга келди. Оғриқсизлантирувчи дорини тежамоқчиман ...

Жон бераётган эр хотинини чақириб дебди:
— Эсингдами армияга кетаётганимда, сен ёнимда эдинг?
— Ҳа, эсимда...
— Ишдан бўшаб, уйда уч йил ўтирганимда ҳам сен мен билан бирга бўлгандинг!
— Ҳа...
— Аварияга учраб, ётиб қолганимда ҳам олдимдан жилмадинг.
— Албатта, бирга бўлгандим, ёнингизда ҳамиша...
— Ҳозир жон беряпман. Анъанага содиқ қоласанми? Шуни билмоқчиман.

— Ўртоқ, тайёр маҳсулотларни омбордан олсам арзонроқ-ми ёки дилерданми?
— Эй дўстим, омбор қоровулларидан олсанг арзон бўлади!

Учта аҳмоқ аэропортга боришибди. Биринчиси двигатели айланиб турган самолётни ёнига бориб,
— Ҳозир шу двигателни тўхтатаман, - деб бармоғини тиққан экан, бармоғи узилиб кетибди. Оғриқдан бақира бошлабди.
Иккинчисиям:
— Мен тўхтатаман, - деб бошини тиққан экан, уни боши узилиб кетибди.
Шунда учинчи аҳмоқ бармоғини ушлаб бақираётганга қараб:
— Нега бақирасан? Бармоққа шунча ваҳимами? Қара, бошини тиққан жим ётибди-ку?!, - дермиш.