Дода латифалар

Бир одам докторни ёнига келиб шикоят қилибди:
— Доктор, жудаям кўп йўталяпман. Нима қилай? Ёрдам беринг!
Доктор бемордан сўрабди:
— Сигарет чекасизми?
Бемор:
— Ҳа, чекаман.
— Қанақасидан чекасиз? – савол берибди доктор.
— Ҳар хилидан.
— Бир хилидан чекиш керак!
— Ҳа энди, ҳар доим бир одамни кетидан юра олмайман-ку! – деган экан бемор.

Йигит ва қиз суҳбатидан:
Йигит:
— Нега хафасан? Сенга ёзмаётганим учун-ми? Истасанг, ҳар куни ёзаман...
Қиз:
— Конспектларимни ёзиб бера олмайсизми?!

Бир куни руҳий касалликлар шифохонасига келган комиссия у ердаги камчиликларни кўриб, “Бу ер ҳудди жиннихонани ўзи!” деган экан.

Иккита йигит шифтдаги чироққа лампочка ўрнатмоқчи бўлишибди. Қўли етмагач, бири иккинчисини елкасига чиқибди. Анча вақтдан кейин пастда кўтариб турган йигит елкасидаги дўстига:
— Ўрнатиб бўлдими? – деса,
— Сен айланмасанг, қандай қилиб ўрнатаман? – дермиш.

Эр-хотин ажрашиш учун суд залига келишди.
Хотин:
— Жаноб судья, эрим ошхонадаги барча идиш-товоқларни сотиб, пулини “ичиб” юборибди. Бу эр билан ортиқ яшай олмайман!
Эр:
— Мен ҳам бунақа хотин билан яшай олмайман! Ошхонадаги идишлар йўқлигини уч ҳафтадан кейин билди-я!?

Бемор врачга келиб дебди:
— Доктор менга ёрдам беринг. Фикру ҳаёлим фақат телеграмда, кундузи ҳам, кечаси ҳам группадаман! Нима қилай, маслаҳат беринг...
Врач:
— Бу жиддий касаллик. Юринг, сиз билан личкада гаплашамиз.

Совчилардан қизни онаси сўрабди:
— Ўғлингиз қаерда ишлайди?
Совчилар:
— GM автосалонида, договор тарқатувчи бўлиб ишлайди..
Буни эшитиб қолган қизни отаси:
— Қизимиз сизларники, - дермиш.

Ўта олифта, лек жулдур,
Кўриб қолсам дерман, бу кимдур?
Сал вақт ўтиб қарасам,
Ўзимнинг кампиримдур.

XXI асрда вафот этадиган бойларнинг васиятномаларида жуда кўп пароль ва логинлар бўлиши аниқ!

Психиатр қабулида бемор:
— Доктор мени қўлларим тинимсиз қалтираяпти.
— Ичасизми?
— Ичардим.
— Чекасизми?
— Чекардим.
— Нима, ташладингизми?
— Йўқ, энди ташламоқчиман...
— Кўрдингизми? Ҳозирдан қўрқяпти организмингиз!