Дода латифалар

Психиатр қабулида бемор:
— Доктор мени қўлларим тинимсиз қалтираяпти.
— Ичасизми?
— Ичардим.
— Чекасизми?
— Чекардим.
— Нима, ташладингизми?
— Йўқ, энди ташламоқчиман...
— Кўрдингизми? Ҳозирдан қўрқяпти организмингиз!

Бир боладан сўрашибди:
— Туғилган кунингга нима совға олишни хоҳлайсан? - дейишибди.
Бола ўйланиб туриб:
— Билмадим, лекин иккита бўлсин, - дебди.

— Бошлиқнинг хонасига кириб, столга қаттиқ муштлаб, маошимни оширишни талаб қилдим.
— Ҳӯш, натижаси нима бӯлди?
— Ҳеч нима, чунки бошлиқ хонасида йӯқ эди.

Шифохонанинг травмотогия бўлимига тегишли касаллик тарихидаги ёзувдан:
— Бемор ими-жимида бегона аёлларга қатнаган маҳал хотини ҳам худди шундай ими-жимида каратэга қатнаганини билмаган экан…

Бир ойлик келин яқин дугонасига ҳасрат қиляпти:
— Кеча куни билан чучвара тугдим. Кечқурун эрим келиб…
— Хўш, хўш? Нима деди эринг?
— «Қайтиб бунақанги чучвара сотиб олма» деди.

Бир куни таксида қўрқоқ, саргузаштпараст ва зиқна одам кетаётишса, бирдан такси ёнидан бошқа машина келиб урилибди. Шу пайт такси машинаси жойида айлана бошлабди, ҳайдовчи машинани тўхтата олмай саросимада...
Қўрқоқ:
— Вой-дод! Тўхтанг машинани! - деб бақира бошлабди.
Саргузаштпараст ҳайдовчига:
— Ие, шошмай туринг! Сэлфивидео қилиб олай! - деса, зиқна:
— Таксини километр ҳисоблагичини ўчирмайсизми!? - дермиш.

Бир йигит трактор паркига ишга кириш учун синов-имтиҳон топшираётган экан. Саволларга жавоб бера олмагач, директорни жаҳли чиқиб:
— Сиз ўзи трактор минганмисиз? - деса, йигит:
— Ҳа, албатда минганман! - дебди.
— Қанақа трактор мингансиз? - деса:
— Қизил трактор минганман, - дебди.

Жуда зиқна, қизғанчиқ болакайдан устози сўрабди:
— Сенда 6 та олма бор эди, ярмини ўртоғингга берсанг, қанча олманг қолади?
— Беш яримта қолади устоз, - дебди болакай.

Эълон:
"Тиши йўқ ит сотилади. Тиши йўқ экан деманг! Томоқдан бўғишни билади".

Эр уйига қайтса, хотини дастурхон безатиб, унга торт қўйибди. Тортни устида 20 дона шам турган экан. Эри ҳайрон бўлиб:
— Кимни туғилган куни экан? - сўрабди.
Хотини зардали овозда:
— Пальто оберганизга 20 йил бўлди! - дермиш.