Дода латифалар

Бир қиз шаҳзодаси оқ отда келиб, уни олиб кетишини кутаверибди, кутаверибди...
Охир оқибат оқ Дамасда пенсияси келган экан!!!

Ҳамма косметика воситалари ҳам бирдек фойдали эмас.
Айниқса, эркаклар кўйлагидаги лаб бўёғи ҳаёт учун хавфлидир!

Бир одамни ёнғин пайтида иккита қулоғи ҳам ёниб кетибди. Ўйлаб-ўйлаб, охири бошқа қулоқ қўйдирадиган бўлибди. Унга операция қилиб бошқа қулоқ ўрнатишибди. Ҳаммаси яхши чиқибди. Кунлардан бир кун у докторга қўнғироқ қилибди:
— Доктор, нима менга аёллар қулоғини ўрнатдингизми? - дебди.
— Нима қилди бирор муаммо борми? Мана яхшигина эшитяпсиз, - деса,
— Эшитганда яхшигина эшитаман. Лекин ҳеч нимани эслаб қола олмайман. Биттасидан кириб, иккинчисидан чиқиб кетяптида, - дермиш.

— Бизни корхонамизда иккита ходим бир кунда уйланишди. Эълонлар тахтасида қуйидаги ёзувни кўрдик!
"Ботир ва Акмалжонларнинг никоҳ тўйлари билан табриклаймиз"!!!

— Мастмисан? Яна ичдингми?
— Ичмадим. Ким сенга айтди?
— Кўзларинг айтиб турибди-ку!
— Ўзинг ғирт мастмисан дейман. Кўз ҳам гапирар эканми?!

Бир куни афандини онаси қўлига овқат бериб:
— Қўшнимизга ташлаб чиқ! Фақат тўкиб юборма! - дебди.
Афанди кўчага чиқибди-ю, қоқилиб, овқатни тўкиб юборибди. Ташқари қоронғу экан.
Уйга қайтиб кирса, онаси:
— Ҳа, овқатни тўкдингми? - деса,
Афанди:
— Йўқ, фақат косамни топа олмаяпман, - дермиш.

Бола адасига шикоят қилди:
— Биласизми, дунёда энг кечикадиган поезд қайси?
— Билмадим болам?!
— Сиз 3 йилдан бери менга олиб бермоқчи бўлган поезд!

Врач бемордан:
— Сизга нечи пуллик наркоздан қилай?
— Энг арзонидан!
— Алла, алла, алла-ё...

Бир бола отасига мақтаяпти:
— Ада, синфдаги энг ялқов бола энди мен эмасман!
— Нега? Яхши ўқий бошладингми?
— Йўқ, бугун мендан ҳам ялқовроқ бола келди синфимизга!

Учта йигит бир кунда уйланибди. Бир ҳафтадан кейин йигитлар чойхонада йиғилишибди.
Биринчи уйлангани Malibu ҳайдаб келибди. Иккинчиси янги уй олганини айтибди. Учинчисидан:
— Сенга қайнотанг нима олиб берди? - дейишса, йигит:
— Мени хотиним овқат қилиш, кир ювиш, дазмол қилиш, хуллас ҳамма ишларни билар экан, - дебди.