Дода латифалар

Афандининг уйига ўғри кирган экан. Афанди сандиқ ичига беркиниб олибди. Ўғри уйни ахтариб, қўлга киргудек ҳеч нарса топмай, сандиқни очиб қараса, Афандини кўриб қолибди. Ўғри:
— Сандиқнинг ичида нима қилиб ётибсиз?— деса, Афанди:
— Уйда сенбоп ҳеч нарса йўқ, шунга хижолат бўлганимдан беркиниб олдим,— деган экан Афанди.

Иккита киши қурувчилар кийимида автосалонга кириб келиб, Бэнтли автомобилини нархини суриштира бошлашибди. Пуллари етмаслигини айтиб, бир-бири билан тортиша бошлашибди.
Қурувчиларга оддийроқ, арзонроқ автомобилни тавсия қилмоқчи бўлган автосалон ходими:
— Пулингиз камроқ бўлса, балки арзонроқ машина олиб турарсизлар?! - деса, қурувчилардан бири асабийлашиб:
— Биз тепадан тушириб юборган шлакоблок айнан, Бентлини устига тушиб кетди-да...! - дермиш.

Бир киши зоодўкондан "гапира оладиган" тўтиқуш сотиб олибди.
Эртаси куни қайтиб келиб:
— Кеча сизлардан сотиб олган тўтиқушим гапирмаяпти! - дебди.
Сотувчи:
— Қўнғироқча харид қилиб, қафасга осиб қўйинг, гапиради, - дебди.
Харидор қўнғироқчани олиб, уйга кетибди. Эртасига яна қайтиб келибди:
— Барибир гапирмаяпти, - дебди.
— Кўзгу сотиб олиб, қафас ичига ўрнатсангиз, гапиради, - дебди сотувчи. Харидор ҳамма керакли нарсаларни - кўзгу, арғимчоқ, қўноқ сотиб олиб, қафас ичига илиб ташлабди.
Бир ҳафтадан кейин дўконга қайтиб келган харидор ўзида йўқ хурсанд эмиш. Сотувчи:
— Нима бўлди ? - деса, тўтиқуш эгаси дебди:
— Гапирди! Гапирди! Сотувчи:
— Нима деб гапирди? - деса,
— Қачон овқат берасан, қовоқмия!!! деди - дебди харидор қувониб...!

Бугун даҳшатли туш кўрибман. Тушимда ишга кеч қолаётган эканман...
Вой! (Уйғониб кетиб...) Ие, ишхонада эканман-ку... Кўрган тушим қуриб кетсин...!

Бир аёл қўрқинчли туш кўрибди. Тушида уни одамхўрлар қувлаб келаётган экан. Одамхўрлар аёлга яқинлашиб қолганида аёл ердан катта тошни олмоқчи бўлибди-ю, кўтара олмабди. Яна қаттиқроқ, икки қўллаб, бор кучи билан ердан торта бошлабди тошни...
Шу пайт аёл уйғониб кетибди. Қараса, уйида, ётоғида ухлаб ётганмиш. Эри эса аёлига қараб:
— Нима бўлди? - деб сўрабди.
Аёл тушини гапириб берибди. Шунда эри:
— Хўп майли, уйғондинг! Энди қулоғимни тортмасдан, қўйиб юборарсан-а...?! - дермиш.

— Алло, бу жиннихонами?
— Йўқ, хонадон! Лекин хоҳласангиз, хотинимни чақиришим мумкин...

Қизалоқ онасига дебди:
— Ойижон, мен 5 ёшдаман! Нигора эса 3 ёш. Мен каттаман!!!
Онаси:
— Қизим, мен 33 ёшдаман! Мен каттаман...
— Қизалоқ онасини қулоғича пичирлаб:
— Ойижон,каттаман эмас, қариман денг...!

— Айтинчи доктор, мен ўламанми?
— Ҳа!
— Яқин-орадами?
— Йўқ! Хавотир олманг! Бизни хусусий клиникамизга ҳали анча қатнайсиз.

Бир эркак боғчага келиб, тарбиячи қизга:
— Мен ўғлимни олгани келдим. Ҳов анави болани кийинтириб беринг, - дебди. Тарбиячи ҳайрон бўлиб:
— У бола сизники эмас-ку деса, эркак:
— Фарқи нима? Эртага яна қайтиб келади-ку шу ерга, - дермиш.

Икки дугона суҳбатлашмоқда:
— Нега эрталабдан кайфиятинг йўқ?
— Ёмон туш кўрдим.
— Қани айтиб бер-чи!?
— Тушимда Бред Питт ва Леонардо Ди Каприо уйимга келиб, мен учун эрим билан ёқалашишибди.
— Ахир бу ёмон туш эмас, кўпчилик қизларнинг орзуси-ку!
— Ҳа, лекин эрим улардан устун келди-да...