Дода латифалар

Демак, бундай! Янги 2020 йилда:
Деҳқонларга - ер майдонлари,
Хизматчиларга - фабрика, заводлар,
Турмушга чиқмаганларга - совчилар,
Ишсизларга - кира учун Матиз,
Норозиларга - бир шапалоқдан!!! Бор совғам шу...

Битта фил велосипед ҳайдаб кетаётса, йўлдан чумоли чиқиб:
— Менам ҳайдаб кўрай, - деса, фил:
— Йўқ, ўзи балонлари бўшаб қолган, - деган экан.

Тошкент ҳаво жудаям совуқ. Икки эркак турган экан, бири жуда баҳайбат ит билан, иккинчисидан сўрабди:
— Исиниб олишни хоҳлайсанми?
— Хоҳлайман
— Фас!!

Бир одам йўлакда тамаки чекиб турса, қўшнисини уйидан додлаган овоз эшитилибди.
Зур ўтмай, қўлида синган 3D кўзойнаги билан ташқарига югуриб чиқибди.
Бояги одам:
— Ҳа қўшни, тинчликми? - деса, қўшниси:
— 3D телевизор сотиб олгандим. Бир пайт қарасам, даҳшатли динозавр устимга бостириб келяпти..., - дермиш.

Кеча тунда ўғлимни ётоғида ухлаб қолибман. Эрталаб уйғонсам телефонимга учта СМС келибди:
1:25 - Қаердасан?
3:15 - Қаерларда санғиб юрибсан?!
4:20 - Бўлди, топдим! Ухлайвер...

— Сен аблаҳсан! Биласанми, вафот этганингда эҳсон ошингга ҳам келмайман, ҳатто!
— Мен эса сени эҳсон ошингга албатта бораман!

Бир йигит дўстига мақтанибди:
— Дўстим биласанми, кеча шунақа “кетворган” негр қиз билан танишдим... Қадди-қомати келишган, сочлари жингалак, ўзи ширинсўз, ...
— Хўш кейин нима бўлди?
— Кейин биз тунги клубга бордик. Клуб ичкариси жуда-ям қоронғи экан жин урсин!
— Нима бўлди?
— Қоронғида уни йўқотиб қўйдим.

Бир аёл дугонасига мақтанибди:
— Мен ёғларга қарши кураш бошладим!
Дугонаси унга қараб туриб:
— Жуда кўпларини асир олишга ҳам улгурибсан.

— Биласанми дўстим, донолик ҳам бир касаллик экан.
— Ташвишланма, сен соппа-соғсан!

Ихтирочи дўстига деди:
— Мен ҳудди одамга ўхшаб кетадиган компьютер яратдим.
— Ҳўш, нимаси одамга ўхшаркан?
— Ўзи хато қилиб қўйиб, бошқа компьютерга тўнкаб тураверади.