Дода латифалар

Эри хотинига қутича берибди. Қути устида эса қуйидаги сўзлар ёзилган экан:
"Мен сенга кераклигимнинг 50 та сабаби шу ерда!"
Қути ичидан электр гўшт майдалагичнинг 50 та қисмлари чиқибди. Хотини икки соат ҳаракат қилса ҳам, уни йиға олмабди.
Шунда қути устидаги сўзларнинг асл маъносини тушуниб етибди.

Она ўғлини кундалигини текшира туриб, мантиқ фанидан "2" баҳо олганини кўриб дебди:
— Яна "2" олибсан. Бу сафар кимни айбламоқчисан?
Бола:
— Билмадим ойижон, мантиқ борасида наслимизни айбласаммикин ёки сизними?

Бир йигит шифокор олдига келибди. Шифокор:
— Хўш, шикоятингиз?
— Ҳеч нима...
— Бирор жойингиз оғрияптими?
— Йўқ!
— Унда нима мақсадда келдингиз?
— Шунчаки ўзим...
— Тушунишимча соғлиғингиз тўғрисида билмоқчисиз?
— Йўғэ-э-э! Эрталаб телевизорни қўйсам, профилактика деб ёзилган экан, шунга айланиб келгандим...

Бир одам шифокорга бориб:
— Сизда умрни 100 ёшгача узайтирадиган дори йўқми?
— Ҳа.
— Ароқ ичасизми?
— Йўқ.
— Сигарет чекасизми?
— Йўқ.
— Унда дори ичиб нима қиласиз?!

Бир аёлни тўртта болалари бор экан. Болаларини тўпалонидан боши оғриб кетган аёл:
— Бас қилинглар болалар! Бозор бўлиб кетди, - деса, болалари:
— Бозор бўлса, бизга хўрозқанд олиб беринг! - дермиш.

Ҳайвонлар пивога узундан-узун навбатда туришибди. Ҳаммадан олдин қуён ўтиб, пиво олмоқчи бўлган экан, бўрини жаҳли чиқиб, қуённи тўхтатибди:
— Қаёққа, ҳой қуён?! Навбатни кўрмаяпсанми?
Қуён:
— Юр, бир четга ўтайлик, гапим бор!
Бир дақиқадан кейин яна қуён навбатсиз пивога ўта бошлабди. Айиқ қуённи қулоғдан кўтариб:
— Ҳой шалпангқулоқ, қаёққа?! - дебди.
— Бир дақиқага бу ёққа қарагин, - деб, айиқни ҳам бир четга олиб кетибди.
Қайтиб келиб, доимгидек навбатсиз пивога қўл узатган экан, арслон ўкирибди:
— Жонга тегдинг-ку! Навбатга тур!
Қуён арслонни ҳам етаклаб, ўрмон ортига олиб ўтса, у ерда одамхўр дев турган эмиш.
— Яна гўшт олиб келдингми?! Қачон пиво олиб келасан??? - дермиш дев арслонни кўриб.

— Шу хонада ухласам, нуқул тушимга қўрқинчли одамлар кираверади.
— Ишхонада ухлашга бало борми?...

Интернетда ёш қиз:
— Аброр ака, мен сизга турмушга чиқишга розиман. Биз дунёдаги энг бахтли оила бўламиз!
Йигит:
— Нималар деб валдираяпсиз?! Ахир мен бор-йўғи сизни расмингизга "Класс" босдим-ку!?

Ёш йигит кўчада отахонни учратиб қолиб, сўрабди:
— Амаки, чекишдан борми?
— Мана, ол болам!
— Гугурт-чи борми?
— Мана, ол гугурт! Сақич ҳам бор, берайми?
— Беринг, амакижон.
Чол сақични узатиб туриб дермиш:
— Эҳ, ахир мен сеҳргар эдим. Сен бўлса арзимаган учта тилагингни тилаб бўлдинг...

Икки дугона дўконга кирибди. Биринчи қиз Йогурт сотиб олибди-да, шу заҳоти устидаги қопқоғини оча бошлабди. Буни кўрган иккинчиси:
— Эсинг жойидами? Лоақал кассани ёнигача бормайсанми?! - деса, ҳалиги қиз:
— Аҳмоқмисан? Мана, қопқоғини устига "Шу ердан очинг" деб ёзиб қўйибди-ку!?, - дермиш.